ކޮވިޑް-19: ވައިރަސް އާ ގުޅިގެން އިތުރު ތަކެތިން އިމްޕޯޓް ޑިއުޓީ ކަނޑާލައިފި
22 މާރިޗު 2020 | އާދީއްތަ 02:33އަލަށް ޑިއުޓީ މާފްކުރި ތަކެތީގެ ތެރޭގައި ހިމެނެނީ ޕްރޮޓެކްޓިވް މާސްކާއި ހޭންޑް ވޮޝްއާއި ޕްރޮޓެކްޓިވް ގްލޯވްއާއ ފޭސް ޝީލްޑާއި ޑިސްއިންފެކްޓް
ރާއްޖޭގައި އަންނަނީ ރައްކާތެރިކަމުގެ ފިޔަވަޅު އަޅަމުން
ކޮވިޑް-19 ފެތުރެމުންދާތީ އިމްޕޯޓްކުރާ އިތުރު ތަކެތީގެ ޑިއުޓީތައް ކަސްޓަމްސްއިން ކަނޑާލައިފިއެވެ.
މީގެ ކުރިން ވަނީ ރާއްޖެއަށް އެތެރެކުރާ ސާޖިކަލް މާސްކާއި ސެނިޓައިޒާއިން ނަގަމުން އައި ޑިއުޓީ ކަސްޓަމްސްއިން ކަނޑާލާފައެވެ.
އަލަށް ޑިއުޓީ މާފުކުރި ތަކެތީގެ ތެރޭގައި ހިމެނެނީ ޕްރޮޓެކްޓިވް މާސްކާއި ހޭންޑް ވޮޝްއާއި ޕްރޮޓެކްޓިވް ގްލޯވްއާއި ފޭސް ޝީލްޑާއި ޑިސްއިންފެކްޓެވެ.
ރާއްޖޭގެ އެކްސްޕޯޓް އިމްޕޯޓް ގާނޫނު ގެ 8 ވަނަ މާއްދާގެ ހ. އަދި ށ. ގައިވާ ގޮތުން، މުޅި ރާއްޖޭގެ ރައްޔިތުންގެ މަންފާއަށް ޓަކައި ނުވަތަ ވަކި ރަށެއްގެ މަންފާއަށް ޓަކައި ރާއްޖެ އެތެރެކުރާ ތަކެތިން ޑިއުޓީ މާފުކުރުމުގެ ބާރު ވަކި ހާއްސަ ހާލަތްތަކެއްގައި ރައީސުލްޖުމްހޫރިއްޔާއަށް ލިބިގެންވެއެވެ. މިތަކެތިން އިމްޕޯޓް ޑިއުޓީ ކަނޑާލާފައިމިވަނީ ސިއްހީ ކުއްލި ނުރައްކަލުގެ ހާލަތުގައި އެކަންޏެވެ.
ކޮވިޑް-19 އާ ގުޅިގެން ސާޖިކަލް މާސްކާއި ސެނިޓައިޒާގެ ޑިމާންޑް ރާއްޖޭގައި ވަނީ ބޮޑުވެފައެވެ. އަދި އިތުރު ސިއްހީ އާލާތްތަކަށް ޑިމާންޑް ވަނީ ބޮޑުވެފައެވެ.
