ޝެވަލް ބްލޮންކް ރަންދެލި ރިސޯޓް މޮނިޓަރިންގެ ހާލަތުގައި
19 މާރިޗު 2020 | ބުރާސްފަތި 03:08ޓެސްޓްގެ ނަތީޖާ ލިބެންދެން އެރިސޯޓުގައި ވަނީ މޮނިޓަރިންގްއަށް ލެވިފައި
ޝެވަލް ބްލޮންކް ރަންދެލި ރިސޯޓް
ނ. އަތޮޅުގައި ހިންގަމުންދާ ރިސޯޓެއް ކަމަށްވާ ޝެވަލް ބްލޮންކް ރަންދެލިން ރިސޯޓް މޮނިޓަރިންގެ ހާލަތަށް ގެންދެވިފައިވާ ކަމަށް އެޗްޕީއޭއިން ބުނެފިއެވެ.
ބުދަ ދުވަހުގެ ރޭ އެޗްޕީއޭއިން ކޮށްފައިވާ ޓްވީޓެއްގައި ވަނީ ރައްކައުތެރިކަމުގެ ގޮތުން އަމަލު ކުރަމުންދާ އުސޫލުގެ ދަށުން ކޯވިޑް-19 އަށް ޝައްކު ކުރެވޭ އަލާމާތްތަކެއް ހުރެގެން ޝެވަލް ބްލޮންކް ރަންދެލިން ބިދޭސީއެއްގެ ސާމްޕަލް ނަގާ ޓެސްޓްކުރުމުގެ މަސައްކަތް ކުރަމުންދާ ކަމަށެވެ.
ޓެސްޓްގެ ނަތީޖާ ލިބެންދެން އެ ރިސޯޓުގައި ވަނީ މޮނިޓަރިންގްއަށް ލެވިފައި ކަމަށް އެޗްޕީއޭއިން މައުލޫމާތު ދެއެވެ.
ރާއްޖެއިން މިހާތަނަށް 13 މީހަކު ވަނީ ޕޮޒިޓިވްވެފައެވެ. އެއީ ކުރެއްދޫ އައިލެންޑް ރިސޯޓްގެ 05 މީހުން ސޭންޑީސް ބަތަލާ ރިސޯޓުން 02 މީހުން، ކުރަމަތި އައިލެންޑް ރިސޯޓުން 02 މީހުން، އަނަންތަރާ ދިގު ރިސޯޓުން 02 މީހުން އަދި އައިލެންޑް ސަފާރީމް 02 މީހުން ހިމެނެއެވެ.
