ގިނަ އަދަދެއްގެ މަސްތުވާތަކެތި އެތެރެ ކުރަން އުޅުނު މީހަކު ހައްޔަރުކޮށްފި
17 މާރިޗު 2020 | އަންގާރަ 02:32މައްސަލަ ފުލުހުން ދަނީ ތަހުގީގުކުރަމުން
ކުރިން ފުލުހުން އަތުލައިގަނެފައިވާ މަސްތުވާތަކެތި
ގިނަ އަދަދެއްގެ މަސްތުވާތަކެތި އެތެރެ ކުރުން އުޅުނު މީހަކު ހައްޔަރުކޮށްފިއެވެ.
މަސްތުވާތަކެއްޗާ ދެކޮޅަށް ފުލުހުން ކުރަމުންދާ މަސައްކަތްތަކުގެ ތެރެއިން، ބ. އޭދަފުށި ޕޮލިސް ސްޓޭޝަނާއި ފުލުހުންގެ އިންޓެލިޖެންސް ގުޅިގެން ހިންގި އޮޕަރޭޝަނެއްގައި، ހައްޔަރުކޮށްފައިވަނީ ބ. އޭދަފުއްޓަށް މަސްތުވާތަކެތި އެތެރެކުރަން އުޅުނު މީހަކެވެ.
ފުލުހުން ބުނެފައިވަނީ، އޭދަފުއްޓަށް ދަތުރުކުރަމުންދާ ސަޕްލައި ދޯންޏަކުން މީހަކު މަސްތުވާތަކެތި ގެންދާ ކަމަށް ފުލުހުންގެ އިންޓެލިޖެންސަށް ލިބުނު މަޢުލޫމާތަކާ ގުޅިގެން ހިންގި އެ އޮޕަރޭޝަންގައި ހައްޔަރުކޮށްފައިވަނީ 47 އަހަރުގެ ދިވެހި ފިރިހެނެއްކަމަށެވެ.
މާރިޗު މަހުގެ 15 ވަނަ ދުވަހުގެ ރޭ ހިންގި އެ އޮޕަރޭޝަންގައި، އެ ސަޕްލައި ދޯނިން އޭނާ ހައްޔަރުކޮށް ބަލައި ފާސްކުރިިއިރު މަސްތުވާތަކެތި ކަމަށް ބެލެވޭ އެއްޗެއްހުރި ބޮޑު ތިން ރަބަރު ޕެކެޓާއި މަސްތުވާތަކެތިކަމަށް ބެލެވޭ އެއްޗެއްހުރި ކުޑަ 116 ރަބަރު ޕެކެޓު ފެނިފައިވެއެވެ.
