ކ. މާލެ
|
15 މާރޗް 2020 | އާދީއްތަ 13:47
ރޮނާލްޑީނިއޯ ހައްޔަރުކޮށްގެން ގެންދަނީ
ރޮނާލްޑީނިއޯ ހައްޔަރުކޮށްގެން ގެންދަނީ
އޭޕީ
ރޮނާލްޑީނިއޯ
ޖަލު މުބާރާތުގެ ފައިނަލްގައި ރޮނާލްޑީނިއޯ ތަފާތު ދައްކައިފި
 
ވޯލްޑްކަޕްގެ އެންމެ މޮޅު ކުޅުންތެރިޔާގެ މަގާމު އޭނާ ވަނީ ދެ ފަހަރު ހޯދާފައި
 
ރޮނާލްޑީނިއޯ ވަނީ ދުނިޔޭގެ އެންމެ މޮޅު ކުޅުންތެރިޔާގެ މަގާމު 2005 ވަނަ އަހަރު ހޯދާފައި

ފޭކް ޕާސްޕޯޓެއްގެ މައްސަލައިގައި ޕެރެގުއޭއަށް އެތެރެވާން އުޅުނު މައްސަލައިގައި ހައްޔަރުކުރި ބްރެޒިލްގެ ކުރީގެ މަޝްހޫރު ފުޓުބޯޅަ ކުޅުންތެރިޔާ ރޮނާލްޑީނިއޯ ހުރި ޖަލުގައި ބޭއްވުނު ފުޓުސަލް މުބާރާތުގެ ފައިނަލުގައި ފަސް ލަނޑު ކާމިޔާބުކޮށް ތަފާތު ދައްކައިފިއެވެ.

ރޮނާލްޑީނިއޯ ޕެރެގުއޭއީގެ ޖަލުގައި ހުންނަތާ ހަފްތާއެއް ވެފައިވާއިރު އޭނާގެ ފުރަތަމަ އަޑު އެހުން އޮންނާނީ އަންނަ އަންގާރަ ދުވަހުއެވެ. އޭނާ މިނިވަން ކުރުމަށް ތަފާތުއެކި ފަރާތްތަކުން އެހީވަމުން އަންނައިރު އޭގެތެރޭގައި އޭނާއާއި އެކު ބާސެލޯނާއަށް ކުޅުނު ލިއޮނެލް މެސީ އާއި ބްރެޒިލްގެ ޖަސްޓިސް މިނިސްޓްރީއިން ވެސް އަންނަނީ މަސައްކަތްކުރަމުންނެވެ.

އުމުރުން 39 އަހަރުގެ ރޮނާލްޑީނިއޯ ވަނީ 2005 ވަނަ އަހަރު ދުނިޔޭގެ އެންމެ މޮޅު ކުޅުންތެރިޔާގެ މަގާމުވެސް ހޯދައިފައެވެ. ރޮނާލްޑީނިއޯ މިވަގުތު ހުރި ޖަލު އަގްރުފަސިއޮން އެސްޕެޝަލައިޒަޑާ ޖަލުގައި ކުރިޔަށްދިޔަ މުބާރާތުގައި ބައިވެރިވެ އެ މުބާރާތުގެ ފައިނަލް ކުޅެފައެވެ. ހޮނިހިރު ދުވަހު ކުޅުނު ފައިނަލުގައި ރޮނާލްޑީނިއޯ ވަނީ ކުޅެންއަރާ ފަސް ލަނޑު ޖަހާ ހަ ލަނޑު ޖެހުމަށް އެހީތެރިވެފައެވެ. މިއާއެކު އޭނާގެ ޓީމު މޮޅުވީ 11-2 ގެ ނަތީޖާއަކުންނެވެ.

ރޮނާލްޑީނިއޯ އަކީ ބްރެޒިލް އިން 2002 ވަނަ އަހަރު ވޯލްޑް ކަޕް ތަށި އުފުލާލިއިރު އޭރުގެ ގައުމީ ޓީމުގައި މުހިންމު ދައުރެއް އަދާކުރި ކުޅުންތެރިޔެކެވެ. އަދި ވޯލްޑްކަޕްގެ އެންމެ މޮޅު ކުޅުންތެރިޔާގެ މަގާމު އޭނާ ވަނީ ދެ ފަހަރު ހޯދައިފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
11%
17%
11%
0%
0%
61%
ކޮމެންޓް
15 މާރޗް 2020 | އާދީއްތަ 14:49
މަޒް
އޮންލީ ޕްލެޔާ ޓު ޑޫ ދިސް