ކޮރޯނާވައިރަސް އާ ގުޅިގެން ރާއްޖެއަށް ކާޑުގެ ދަތިކަން ފޯރާނެކަމަށް ފެންނާތީ މަޖިލީހަށް ކުއްލި މައްސަލައެއް ހުށަހަޅައިފި
4 މާރިޗު 2020 | ބުދަ 05:05ކުއްލި މައްސަލަ މަޖިލީހަށް ހުށަހެޅުއްވީ މަޑުއްވަރީ ދާއިރާގެ މެމްބަރ އާދަމް ޝަރީފް
މަޑުއްވަރީ ދާއިރާގެ މެމްބަރ އާދަމް ޝަރީފް
ކޮރޯނާވައިރަސް އާ ގުޅިގެން ރާއްޖެއަށް ކާޑުގެ ދަތިކަން ފޯރާނެކަމަށް ފެންނާތީ މަޖިލީހަށް ކުއްލި މައްސަލައެއް ހުށަހަޅައިފި އެވެ.
މިމައްސަލަ މަޖިލީހަށް ހުށަހެޅުއްވީ މަޑުއްވަރީ ދާއިރާގެ ޕީއެންސީ މެންބަރ އާދަމް ޝަރީފެވެ. އާދަމް ޝަރީފް ކުއްލި މައްސަލަ ހުށަހަޅުއްވަމުން ވިދާޅުވީ ދުނިޔޭގެ ހަލުއިކަމާއެކު ފެތުރެމުންދާ ކޮރޯނާވައިރަސް، އަވަށްޓެރި ޤައުމުތަކުގައި ފެތުރެމުންދާތީ އާއި ރާއްޖޭގައިވެސް މިބަލި ފެތުރުމުގެ ބިރު ވަރަށް ބޮޑުކަމަށް ސަރުކާރުގެ ކަމާބެހޭ އިދާރާތަކުން ބުނަމުންދާތީ މިބަލީގެ ސަބަބުން ރާއްޖޭގެ އިގްތިޞާދަށް ނޭދެވޭ އަސަރު ވަރަށް ބޮޑަށް ކުރަމުންދާ ކަމެއްކަމަށެވެ.
އަދި ރާއްޖެއަކީ ތެލާއި ކާޑުގެ ބާވަތްތައް ރާއްޖޭގެ ބޭރުން އެތެރެކުރާ ޤައުމަކަށްވެފައި، އެތަކެތި އަތޮޅުތަކަށް ބެހިގެންދަނީ ޢާންމުން ދަތުރުކުރާ އުޅަނދުތަކުގައި މާލެއިން ކަމަށްވާއިރު، ރަށްރަށުގައި ތެލާއި ކާޑުގެ ބާވަތްތަކާއި ދިރިއުޅުމަށް ކޮންމެހެން ބޭނުންވާ އެހެނިހެން ތަކެތި ރައްކާ ކުރެވެން ނުހުންނާތީވެ ރަށްރަށުގެ ފިހާރަތަކަށް މާލެއިން އެތަކެތި ގެންދަނީ ގިނަވެގެން ދެ ހަފުތާއެއްހާ ދުވަހަށް ރަށަށް ފުދޭ މިންވަރަކަށް ކަމަށް ޝަރީފް ވިދާޅުވި އެވެ.
ކުއްލި މައްސަލަ ހުށަހެޅުއްވުމަށްފަހު މިމައްސަލައަށް ބަހުޘްކުރުމަށް ފެނޭތޯ ނެގުނު ވޯޓުގައި 44 މެންބަރުން ވަނީ މިމައްސަލައަށް ބަހުޘްކުރުމަށް ފެންނަމަކަށް ވޯޓު ދީފަ އެވެ. އެއާއެކު މިމައްސަލައަށް މެންބަރުން ބަހުޘްކުރައްވަމުން ގެންދަވާއިރު މިކަމަށް ރާއްޖެ އޮތީ ތައްޔާރު ވެފައިކަމަށް މެންބަރުން އަންނަނީ ފާހަގަ ކުރައްވަމުންނެވެ.
