''ލޯބިވެވިއްޖެ'' ފިލްމުގެ ލަންކާގެ ޝޫޓިން ނިންމާލައިފި
1 މާރިޗު 2020 | އާދީއްތަ 03:20ފިލްމުގެ 98 ޕަސެންޓް ވަނީ ނިމިފައި
\'\'ލޯބިވެވިއްޖެ\'\' ލަންކާގެ ޝޫޓިންގެ ތެރެއިން
އެސް ޕްރޮޑަކްޝަނުން މި އަހަރު ނެރެން ހަމަޖެހިފައިވާ ފިލްމު ''ލޯބިވެވިއްޖެ''ގެ ލަންކާގެ މަންޒަރުތައް ޝޫޓްކޮށް ނިންމާލައިފިއެވެ. ފިލްމުގެ ޑައިރެކްޓަރ އަލީ ސީޒަން ރާއްޖެ.އެމްވީ އަށް މަޢުލުމާތުދެމުން ބުނީ، ފިލްމުގެ 98 ޕަސެންޓް ޝޫޓްކޮށް ނިންމާލާފައިވާ ކަމަށެވެ.
ލަންކާގައި ފިލްމު ޝޫޓިން ކުރިޔަށް ގެންގޮސްފައިވަނީ، ވެރިރަށް ކޮލަމްބޯ، ކެންޑީގެ އިތުރުން ނުވަރަލިޔާގައެވެ. ސީޒަން ބުނީ، މިހާރު ބާކީ އިނީ ފިލްމުގެ ބާކި އެއް މަންޒަރަކާއި ލަވައެއް ކަމަށެވެ. ލަވަ ޝޫޓްކުރަން ހަމަޖެހިފައިވަނީ ގދ. ތިނަދޫގައެވެ.
ފިލްމުގެ ސްކްރީން ޕްލޭ ސްކްރީން ރައިޓަރ ޒަރީރު ލިޔެފައިވާއިރު، ފިލްމު ކެމެރާ ކުރަނީ އަހުމަދު މޫސާ (ދަބަ) އެވެ. ޑައިރެކްޓްކުރަނީ ހުނަރުވެރި އެކްޓަރ އަދި ޑައިރެކްޓަރ އަލީ ސީޒަނެވެ.
މި ފިލްމު ޕްރޮޑިއުރަސަރުންނަކީ ސީޒަންގެ އަންހެނުން އައިމިނަތު ޝާނަޒްގެ އިތުރުން ޝާނިޒް އަލީ އެވެ. ލޯބީގެ ވާހަކައެއްގެ މައްޗަށް ބިނާކޮށް އުފައްދާ ފިލްމުގެ ކާސްޓުންގެ ތެރޭގައި މަރިޔަމް ޢައްޒަ، ޢަލީ ޢާޒިމް (ދޮން އައްޔަ) އިރުފާނާ އިބްރާހީމް، ނިޝާ (ނިޝޮކް) އަދި އަޙްމަދު އީސަ (އާނަންދު) ހިމެނެއެވެ.
