ހޯމަ 06 އޭޕުރިލް 2020
12 ރޭވަ
1441 ޝައުބާން 13
ފަތިސް 04:50
އިރުއަރާ 06:02
މެންދުރު 12:13
އަސްރު 15:15
މަޣްރިބް 18:16
އިޝާ 19:27
ކުޅިވަރު - ޔުއެފާ ޗެމްޕިއަންސް ލީގު

ފަހަތުން އަރާ ރެއާލް ބަލިކޮށް ސިޓީ ކުއާޓާއާ ގާތަށް

  • މި މެޗު ސިޓީން ކާމިޔާބުކުރީ 2-1 ގެ ނަތީޖާއަކުން
  • މިއީ ސިޓީން ޗެމްޕިއަންސް ލީގުގައި ރެއާލް މެޑްރިޑް ބަލިކުރި ފުރަތަމަ ފަހަރު

އަތޫފް އާތިފް
AthifAthoof

ކ. މާލެ | 27 ފެބްރުއަރީ 2020 | ބުރާސްފަތި 14:17 | 2,082

ޗެމްޕިއަންސް ލީގުގައި ރެއާލް އަދި ސިޓީ ބައްދަލުކުރި މެޗުގެ ތެރެއިން - ގެޓީ އިމޭޖާސް

ޔުއެފާ ޗެމްޕިއަންސް ލީގުގެ ގަދަ 16 ގެ ފުރަތަމަ ލެގުގައި ރަށުން ބޭރުގައި ރެއާލް ބަލިކޮށް މެންޗެސްޓާ ސިޓީން ކުއާޓާ ފައިނަލަށް ދަތުރުކުރުމުގެ އުންމީދު އާކޮށްފި އެވެ.

ރެއާލް މެޑްރިޑް ދަނޑުގައި ކުޅުނު މި މެޗު ސިޓީން ކާމިޔާބުކުރީ 2-1 ގެ ނަތީޖާއަކުންނެވެ.

މެޗުގެ ފުރަތަމަ ހާފުގައި ދެ ޓީމުގެ ފަރާތުން ހަމަހަމަ ކުޅުމެއް ފެނިގެންދިޔައިރު މި މެޗުގެ ފުރަތަމަ ހާފުގައި ދެ ޓީމަށް ވެސް ވަނީ ލަނޑު ޖަހަން ފުރުސަތުތަކެއް ލިބި ބޭކާރުވެފައެވެ. ފުރަތަމަ ހާފުގައި ރެއާލްއަށް ލިބުނު އެންމެ ހުސް ފުރުސަތު މެޗުގެ 30 ވަނަ މިނެޓުގައި ލިބުނީ އިތުބާރު ފޯވާޑް ކަރިމް ބެންޒެމާ އަށެވެ. ނަމަވެސް ހުސްކޮށްހުރެ އޭނާ ބޮލުން ފޮނުވައިލި ބޯޅަ ސިޓީގެ ކީޕަރު ވަނީ ހުށިޔާރު ކަމާއެކު ދިފާއު ކޮށްފައެވެ.

މެޗުގެ ފުރަތަމަ ހާފު ނިމިގެންދިޔައީ 0-0 ގެ ނަތީޖާއަކުންނެވެ.

ދެވަނަ ހާފު ފަށައިގެން ދެ ޓީމުން ކުރަމުން ގެންދިޔަ އެޓޭކުތައް އިތުރަށް ވަރުގަދަކުރި އިރު މެޗުގައި ލަނޑު ޖަހާ ފުރަތަމަ ލީޑު ނެގީ ރެއާލް މެޑްރިޑުންނެވެ. މި ލަނޑު މެޗުގެ 60 ވަނަ މިނެޓުގައި އެޓީމަށް ކާމިޔާބުކޮށްދިނީ މިޑްފިލްޑަރ އިސްކޯ އެވެ. އޭނާ މި ލަނޑު ކާމިޔާބުކުރީ ވިނިސަސް ޖޫނިއާގެ އެހީތެރިކަމާއެކުގައެވެ.

އެކަމަކު އޭގެ 18 މިނެޓު ފަހުން ސިޓީ އިން ވަނީ ލަނޑު ޖަހާ ނަތީޖާ އެއްވަރުކޮށްފައެވެ. މި ލަނޑު އެޓީމަށް ކާމިޔާބު ކޮށްދިނީ ގެބްރިއަލް ޖީސަސް އެވެ. އޭނާ މި ލަނޑު ކާމިޔާބުކުރީ މިޑްފިލްޑަރ ކެވިން ޑިބްރައިނާގެ އެހީތެރިކަމާއެކުގައެވެ. މެޗުގައި ސިޓީން ލީޑު ނެގީ މެޗުގެ 83 ވަނަ މިނެޓުގައެވެ. މި ލަނޑު ލިބުނު ޕެނަލްޓީއަކުން އެޓީމަށް ކާމިޔާބުކޮށްދިނީ ކެވިން ޑިބްރައިނާ އެވެ.

މިއީ ސިޓީއިން ޗެމްޕިއަންސް ލީގުގައި ރެއާލް މެޑްރިޑް ބަލިކުރި ފުރަތަމަ ފަހަރެވެ. މި ދެޓީމު ބައްދަލުކުރާ ދެވަނަ ލެގުގެ މެޗު ކުޅުމަށް ހަމަޖެހިފައިވަނީ މާރޗް މަހުގެ 18 ވަނަ ދުވަހު ސިޓީގެ ދަނޑުގައެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.