ކ. މާލެ
|
26 ފެބްރުއަރީ 2020 | ބުދަ 21:43
ކޮރޯނާވައިރަސްއަށް ފަރުވާދިނުމުގައި މަސައްކަތްކުރާ ޑޮކްޓަރެއް
ކޮރޯނާވައިރަސްއަށް ފަރުވާދިނުމުގައި މަސައްކަތްކުރާ ޑޮކްޓަރެއް
ޓްވިޓަރ
ކޯވިޑް-19
ކޯވިޑް-19: ރާއްޖެ އައުން މަނާކުރި ގައުމުތަކުގެ ލިސްޓަށް ކޮރެއާ އަދި އީރާން އިތުރުކޮށްފި
 
ސަރުކާރުން ވަނީ މިވައިރަސް އެންމެ ހަލުވި މިނެއްގައި ފެތުރެމުން އަންނަ ޗައިނާއިން މީހުން އައުން މަނާކޮށްފައި
 
އީރާން އަދި އީރާން މަގުން އަންނަ ފަރާތްތައް ރާއްޖެ އައުން ވަނީ މަނާކޮށްފައި
 
އައުން މަނާކުރީ އެންމެ ހަލުވިކޮށް މި ބަލި ދެކުނު ކޮރެއާގައި ފެތުރެމުންދާ ދެ ސަރަހައްދަކުން

ދުނިޔޭގައި ހަލުވި މިނެއްގައި ފެތުރެމުންދާ ކޯވިޑް-19އާ ގުޅިގެން، ދެކުނު ކޮރެއާގެ ދެ ސަރަހައްދަކުންނާއި އިރާނު މަގުން ރާއްޖެ އައުން މަނާކުރުމަށް ދިވެހި ސަރުކާރުން ނިންމައިފިއެވެ.

ކޮވިޑް-19 (ނޮވެލް ކޮރޯނާވައިރަސް) އާ ގުޅޭ ފަހުގެ މައުލޫމާތުތައް ހިއްސާ ކުރުމަށް ބުދަ ދުވަހުގެރޭ ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ހެލްތު މިނިސްޓަރ އަބްދުﷲ އަމީން ވިދާޅުވީ، މި ނިންމުމަކީ މިހާރު ދުނިޔޭގެ ޙާލަތަށް ބަލައި، މި ވައިރަސް ފެތުރެމުންދާ ނިސްބަތަށް ބެލުމަށްފަހު ނިންމެވި ނިންމެވުމެއް ކަމަށެވެ.

ދެކުނު ކޮރެއާއިން މީހުން އައުން މަނާކުރި ސަރަހައްދުތަކުގެ ތެރޭގައި ހިމެނެނީ ޑޭގޫ އަދި ޖިޔޮންބަކްއެވެ. މިއީ އެ ގައުމުގައި މި ވައިރަސް އެންމެ ގަދައަށް ފެތުރިފައިވާ ދެ ސަރައްހައްދެވެ. މި ވައިރަސްގެ ދެވަނައަށް އެންމެ ގިނަ ކޭސް ފެނިފައިވަނީ ދެކުނު ކޮރެއާއިންނެވެ.

އެގޮތުން ކޮރޯނާވައިރަސްއަކީ މުޅި ދުނިޔެއަށްވެސް ބޮޑު ރޯގާއަކަށް ވެދާނެ ކަމަށް ދުނިޔޭގެ ސިއްޙަތު ޖަމިއްޔާއިން ބުނެފައިވާއިރު، ރާއްޖެއިންވެސް ވަރަށް ގާތުން މި ވައިރަސްއާ ގުޅޭގޮތުން ދުނިޔޭގެ މަޝްރަޙު ބަދަލުވަމުންދާ ގޮތް ބަލަމުންދާ ކަމަށާއި، ވައިރަސް ފެތުރޭ މިންވަރަށް ބަލައި އިތުރު ޤައުމުތައްވެސް މުރާޖައާ ކުރައްވާނެ ކަމަށް މިނިސްޓަރ ވިދާޅުވިއެވެ.

މިނިސްޓަރ އިތުރަށް ވިދާޅުވީ، އަންގާރަ ދުވަހު ކަރަންޓީން ކޮށްފައިވާ ދެ ދިވެހިންނަކީ ބެއިޖިންގ އިން އަނބުރާ އައި ދެ ދިވެހިން ކަމަށާއި، އަލާމާތެއް ނުފެނުނު ނަމަވެސް ޗައިނާއިން އެނބުރި އަންނަ ދިވެހިން އޮންނަ އުސޫލުގެ ތެރެއިން ކަރަންޓީން ކުރާނެ ކަމަށެވެ.

މިނިސްޓަރ ވިދާޅުވީ، 25 ފެބްރުއަރީގެ ނިޔަލަށް ރާއްޖޭގެ އެއާޕޯޓްތަކުން އެތެރެވާ 147،000 މީހުން ސްކްރީން ކުރެވިފައިވާ ކަމަށާއި، އޭގެ ތެރެއިން 538 މީހަކާ އިތުރަށް ސުވާލުކޮށް ބަލަންޖެހޭ ކަންކަން ބަލާފައިވާނެ ކަމަށެވެ. އަދި 37 މީހަކު ރާއްޖެއަށް އެތެރެވިޔަނުދީ ފޮނުވާލާފައިވާނެ ކަަމަށްވެސް މިނިސްޓަރ ވިދާޅުވިއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
100%
0%
0%
0%
0%
ކޮމެންޓް