އަންގާރަ 07 އޭޕުރިލް 2020
13 ރޭވަ
1441 ޝައުބާން 14
ފަތިސް 04:50
އިރުއަރާ 06:02
މެންދުރު 12:12
އަސްރު 15:15
މަޣްރިބް 18:15
އިޝާ 19:27
ކުޅިވަރު - ޔުއެފާ ޗެމްޕިއަންސް ލީގު

ނާޕޮލީ އާއި ބާސާގެ ކުރިމަތިލުން އެއްވަރު

  • ނާޕޮލީ އާއި ބާސާ އެއްވަރުވީ 1-1 އިން

އިސްމާޢީލް ޝާހް
ismaelschurh

ކ. މާލެ | 26 ފެބްރުއަރީ 2020 | ބުދަ 10:14 | 2,096

ނާޕޮލީ އާއި ބާސާ ބައްދަލުކުރި މެޗުގެ ތެރެއިން - ގެޓީ އިމޭޖާސް

ޔުއެފާ ޗެމްޕިއަންސް ލީގުގެ ދެވަނަ ބުރުގެ ފުރަތަމަ ލެގުގައި ނާޕޮލީ އާއި ބާސެލޯނާ ބައްދަލުކުރި މެޗު 1-1 އިން އެއްވަރުވެގެން ނިމިއްޖެ އެވެ.

ނާޕޮލީގެ ދަނޑުގައި އަންގާރަ ދުވަހުގެރޭ ކުޅުނު މެޗުގެ ފުރަތަމަ ހާފުގައި ރަނގަޅަށް ކުޅެފައިވަނީ އެޓީމުންނެވެ. އެގޮތުން މި ހާފުގައި ނާޕޮލީން ވަނީ ލީޑު ނަގާފައެވެ. މެޗުގެ 30 ވަނަ މިނެޓުގައި ޕިއޮޓާ ޒިއެލެންސްކީ ތަނަވަސްކޮށްދިން ފުރުސަތަކުން ނާޕޮލީއަށް ލީޑު ނަގައިދިނީ ފޯވާޑް ޑްރިއެސް މާޓިންސް އެވެ.

ދެވަނަ ހާފުގައި ބާސާއިން ކުޅުން ރަނގަޅުކުރިއިރު، އެޓީމުން ނަތީޖާ އެއްވަރުކޮށްފައިވަނީ ދެވަނަ ހާފު ފަށައިގެން 12 ވަނަ މިނެޓުގައެވެ. ނެލްސަން ސަމެޑޯގެ އެހީއާއެކު މި ލަނޑު ބާސާއަށް ކާމިޔާބުކޮށްދިނީ ފޯވާޑް އެންޓޮއިން ގްރިޒްމަން އެވެ.

މެޗުގެ 89 ވަނަ މިނެޓުގައި ބާސެލޯނާގެ މިޑްފީލްޑަރު އަރްޓޫރޯ ވިޑާލަށް ވަނީ ގާތްގާތުގައި ދެ ރީނދޫ ކާޑާއެކު ރަތްކާޑެއް ދައްކައިފަ އެވެ. އެހެންވެ އޭނާއަށް އަނެއް ލެގުގައި ނުކުޅެވޭނެ އެވެ. މީގެ އިތުރަށް ކާޑު ހަމަވުމުގެ ސަބަބުން މި މެޗުގައި މޮޅު ކުޅުމެއް ދެއްކި މިޑްފީލްޑަރު ސާޖިއޯ ބުސްކެޓްސް އަސްވެސް ދެވަނަ ލެގުގައި ނުކުޅެވޭނެ އެވެ.

ނާޕޮލީގެ ދަނޑުގައި ކުޅުނު ފުރަތަމަ ލެގުގެ މެޗުން ދެ ޓީމު އެއްވަރުވިއިރު، ބާސާގެ ދަނޑުގައި ކުޅޭ ދެވަމަ ލެގުގެ މެޗު އޮންނާނީ މި މަހުގެ 19 ވަނަ ދުވަހު އެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.