ގއ. ގެމަނަފުށިގައި އަލަށް އިމާރާތްކުރާ އޮފީސް އިމާރާތުގެ ބިންގާ އަޅައިފިއެވެ.
އަންގާރަ ދުވަހު ބިންގާ އަޅުއްވާ ދެއްވާފައި ވަނީ ފެނަކައިގެ މެނޭޖިން ޑިރެކްޓަރު އަހުމަދު ސައީދު މުހައްމަދެވެ. އަދި ގެމަނަފުށީ ދާއިރާގެ މެންބަރު އަހްމަދު ސައީދެވެ.
ފެނަކައިން ބުނީ ގެމަނަފުށިގައި އަލަށް އިމާރާތްކުރާ އޮފީސް އިމާރާތުގެ މަސައްކަތްކުރަނީ އަފަމި މޯލްޑިވްސް ޕްރައިވެޓް ލިމިޓެޑުން ކަމަށެވެ. މިމަސައްކަތް އަފަމި ކުންފުންޏާ ހަވާލުކުރީ 120 ދުވަހުގެ ތެރޭގައި ނިންމާގޮތަށެވެ.
މި އެއްބަސްވުމުގައި ފެނަކައިގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަޙްމަދު ސައީދު މުހައްމަދެވެ. އަފަމި މޯލްޑިވްސްގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަމީން މުހައްމަދެވެ.
މިމަޝްރޫއަށް 1،986،077.01 (އެއްމިލިއަން ނުވަލައްކަ އަށްޑިހަ ހަހާސް ހަތްދިހަ ހަތްރުފިޔާ އެއްލާރި) ޚަރަދުވާނެއެވެ.
