އިސްތިއުފާ ދެއްވިޔަސް، މަހާތިރް ހުންނަވާނީ ވަގުތީ ބޮޑު ވަޒީރެއްގެ ގޮތުގައި

މެލޭޝިޔާގެ ބޮޑުވަޒީރު ކަމުން މަހާތިރް މުޙައްމަދު އިސްތިޢުފާ ދެއްވި ނަމަވެސް، ވަގުތީ ބޮޑު ވަޒީރެއްގައި މަޤާމުގައި ހުންނެވުމަށް އެ ޤައުމުގެ ރަސްގެފާނު މަހާތިރް އަރިހުން އެދިވަޑައިގެންފިއެވެ.

ދެ ފޮޅުވަތުގެ ބަޔާނެއް ނެރުމަށް ފަހު ބޮޑު ވަޒީރު ކަމުގެ މަޤާމުން އިސްތިޢުފާ ދެއްވިކަން، މަހާތިރް އިޢުލާން ކުރެއްވީ ހޯމަ ދުވަހުގެ ވަގުތެއްގައެވެ.

94 އަހަރުފުޅުގެ މާހާތިރުގެ މި ނިންމެވުމާ، އެ ޤައުމުގެ ޕީޕަލްސް ޖަސްޓިސް ޕާޓީގެ ފައުންޑަރ އަދި ކުރީގެ އިދިކޮޅު ލީޑަރު އަންވަރު އިބްރާހީމާ ގުޅުމެއްވާކަމަށް ރިޕޯޓުތައް ބުނެއެވެ.

ރޮއިޓަރސް އިން ރިޕޯޓުކުރާ ގޮތުން މަހާތިރް ވަނީ އެމަނިކުފާނުގެ ސިޔާސީ ޕާޓީ، ''ޕާތީ ޕްރިބުމީ ބެރްސަތު މެލޭޝިޔާ'' އިންވެސް އިސްތިޢުފާ ދެއްވާފައެވެ. ސަރުކާރު ކޯލިޝަނުން މަހާތިރުގެ ޕާޓީ ވަކިވެފައިވާ ކަމަށް އެ ޕާޓީން ވަނީ އިޢުލާން ކޮށްފައެވެ.

މަހާތިރްގެ މި ނިންމުން އައިސްފައިމިވަނީ ހަފުތާއެއްގެ ސިޔާސީ ހަލަބޮލި ކަމަކަށް ފަހުއެވެ. އަންވަރު އިބްރާހީމާ ނުލާ އާ ސަރުކާރެއް އުފެއްދުމުގެ އަޑުތަކެއްވެސް ވަނީ ފެތުރިފައެވެ. މަހާތިރްގެ އިސްތިޢުފާ ރަސްގެފާނު ޤަބޫލުފުޅު ކުރައްވާފައިވާ ކަން ޗީފް ސެކްރެޓަރީ ޒުކީ ވަނީ ކަށަވަރަށް ކޮށްދެއްވާފައެވެ.