އަންނަ އޭޕްރީލް މަހުގެ ހަތަރު ވަނަ ދުވަހު ބާއްވާ ލޯކަލް ކައުންސިލްތަކުގެ އިންތިޚާބުގައި އެމްޑީޕީން ވާދަކުރާ ހުރިހާ ކެންޑިޑޭޓުންނަށް ވޯޓު ދެއްވުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހު ދިވެހި ރައްޔިތުންގެ ކިބައިން އެދިވަޑައިގަންނަވައިފި އެވެ.
ލޯކަލް ކައުންސިލްތަކުގެ އިންތިޚާބުގެ ކެމްޕެއިން ޙަރަކާތުގެ ތެރެއިން ޕޯސްޓަރު ހަރުކުރުމުގެ ޙަރަކާތް ރަސްމީކޮށް ފައްޓަވާ ދެއްވާފައި ވަނީ އެމްޑީޕީގެ އެންމެ އިސްލީޑަރު، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި، އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދެވެ.
މި ރަސްމިއްޔާތު ފައްޓަވާ ދެއްވުމުގެ ގޮތުން ރައީސް ޞާލިޙާއި، ރައީސް ނަޝީދު ވަނީ އެމްޑީޕީގެ މައި ހަރުގޭގެ ފާރުގައި އެމްޑީޕީން ލޯކަލް ކައުންސިލްތަކުގެ އިންތިޚާބުގައި ބޭނުންކުރާ "ރަށްވެހި ފަތިސް"ގެ ލޯގޯ ކުރަހައި ކުލައްޖައްސަވާ ދެއްވާފައެވެ.
މިރަސްމިއްޔާތުގައި ފެއްޓެވާ ދެއްވުމަށްފަހު، ނޫސްވެރިންނަށް މަޢުލޫމާތު ދެއްވަމުން ރައީސް ޞާލިޙު ވިދާޅުވީ، ސަރުކާރުން ހިންގަންޖެހޭ މަޝްރޫޢުތައް ހިންގުމަށްޓަކައި ކައުންސިލްތަކުގެ އެއްބާރުލުން ވަރަށް ބޮޑަށް ބޭނުންވާނެ ކަމަށެވެ. އެގޮތުން، ސަރުކާރުގެ އެޖެންޑާ ތަންފީޒު ކުރާނެ ކައުންސިލަރުން ކައުންސިލްތަކުގައި ތިބުމަކީ މުހިއްމުކަމެއް ކަމަށާއި ސަރުކާރުގެ އެޖެންޑާ ތަންފީޒު ކުރުމަށް އެމްޑީޕީގެ ކެންޑިޑޭޓުން ތިއްބެވީ ތައްޔާރުވެފައި ކަމަށްވެސް ރައީސް ޞާލިހު ވިދާޅުވިއެވެ.
އަޅުގަނޑުމެންގެ އަމާޒަކީ، މަގްޞަދަކީ ކުރިއަށް މިއޮތް ލޯކަލް ކައުންސިލްތަކުގެ އިންތިހާބު ބޮޑުތަނުން ކާމިޔާބު ކުރުން. އޭގައި ވަރަށް މުހިއްމު މަޣްޞަދުތަކެއް އެބައޮތް، އަޅުގަނޑުމެންނަށް ލޯކަލް ކައުންސިލްތައް މުހިއްމުވާ އެންމެބޮޑު އެންމެ މުހިއްމު ސަބަބަކީ، އެނގިވަޑައިގަންނަވާނެ، މިހާރު ލާމަރުކަޒީ ނިޒާމު ގާއިމުކުރެވި، ކައުންސިލްތަކަށް ލިބިފައިހުރި ބާރުތަކާއި ގުޅިގެން ސަރުކާރުން ހިންގަންޖެހޭ މަޝްރޫއުތައް ހިންގުމުގައި ކައުންސިލްތަކުގެ އެއްބާރުލުމާއި އެހީތެރިކަން ވަރަށްބޮޑަށް ބޭނުންވޭރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު
ރައީސް ޞާލިހު އެ ވިދާޅުވި ގޮތަށް ލާމަރުކަޒީ ޤާނޫނަށް ސަރުކާރާއި ރައްޔިތުންގެ މަޖިލީހުގެ ސުޕަރ މެޖޯރިޓީ އޮތް އެމްޑީޕީން ވަނީ ބޮޑެތި އިޞްލާޙުތަކެއް ގެންނަވާފަ އެވެ. ލާމަރުކަޒީ ޤާނޫނަށް ގެނެސްފައިވާ އެ އިޞްލާޙުތަކަކީ ރައީސް ޞާލިޙުގެ ރިޔާސީ ވަޢުދުފުޅެއްގެ އިތުރުން، އެމްޑީޕީގެ ވެސް ވަޢުދެކެވެ.
"އެހެންވީމާ ކުރިއަށްއޮތް އިންތިހާބުގައި ސަރުކާރުގެ އެޖެންޑާ ތަންފީޒު ކުރާނެ ބަޔަކު ކައުންސިލްތަކުގައި ތިބުމަކީ ވަރަށް މުހިއްމުކަމެއް. އެހެންބަލާއިރުގައި، އަޅުގަނޑުމެންނަށް ގަބޫލުކުރެވެނީ އެމްޑީޕީގެ ކެންޑިޑޭޓުން މިކަމަށް ބަރާބަރަށް ތައްޔާރުވެ ތިބިކަން. އެހެންކަމުން އަޅުގަނޑު ރާއްޖޭގެ ހުރިހާ ލޮބުވެތި ރައްޔިތުންގެ އަރިހުން މިއެދެނީ ކުރިއަށްއޮތް ލޯކަލް ކައުންސިލްތަކުގެ އިންތިހާބުގައި ސަރުކާރަށް ތާއީދު ކުރައްވާ އެމްޑީޕީގެ ހުރިހާ ކެންޑިޑޭޓުންނަށް ވޯޓު ދެއްވާށޭ،"ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު
ރައީސް ޞާލިހު ވިދާޅުވީ ސަރުކާރުގެ ސިޔާސަތުތައް ތަންފީޒު ކުރުމުގައި ކައުންސިލްތަކުގެ ދައުރު ވަރަށް ބޮޑުކަމަށެވެ. ލާމަރުކަޒީ ޤާނޫނުން ކައުންސިލްތަކަށް ރަށުގެ އިހުތިޞާޞްގެ ދަށުގައިވާ ބިންތަކާއި، އިގްތިޞާދީ ޙާރަކާތްތަކާއި، އިޖުތިމާޢީ ކަންކަން ނިންމުމުގެ ބާރުވެރިކަމާއި، މާލީ ބާރުވެރިކަން މިހާރު ވަނީ ލިބިފައެވެ.
މި ރަސްމިއްޔާތުގައި ވާހަކަފުޅު ދައްކަވަމުން ރައީސް ނަޝީދު ވިދާޅުވީ، ލާމަރުކަޒީ ޤާނޫނަށް އިޞްލާޙު ގެނެސް، އަދި ޢަމަލު ކުރަމުންދާ ލާމަރުކަޒީ ޤާނޫނާއެކު، ކައުންސިލްތަކުން ވެސް ވަރަށް ބޮޑު ޒިންމާއެއް އަދާކުރަންޖެހޭ ކަމަށެވެ. އެގޮތުން ކައުންސިލްތައް ކުރިން ހިންގަމުންދިޔަ ގޮތާއި އަލަށް އެކުލަވާލެވޭ ކައުންސިލްތައް ހިނގަމުންދާ ގޮތް ވަރަށް ބޮޑަށް ތަފާތުވެ، ބާރު ވެރިކަން ލިބި، އަދި ދައުލަތުގެ ބަޖެޓުންވެސް ބޮޑު ބައެއް ކައުންސިލްތަކަށް ލިބޭނެ ކަމަށް ވެސް ރައީސް ނަޝީދު ވިދާޅުވިއެވެ.
އެނގިވަޑައިގަންނަވާނެ މިފަހަރު ކައުންސިލްތަކުގެ އިންތިހާބަށް އަޅުގަނޑުމެން މިދަނީ ލާމަރުކަޒީ ގާނޫނަށް ވަރަށް ބޮޑެތި ބަދަލުތަކެއް ގެނައުމަށްފަހު. އެބަދަލުތަކަކީ ރައީސް އިބްރާހިމް މުހައްމަދު ޞާލިހުގެ ރިޔާސީ ވައުދުފުޅެއް. އަދި އެޖެންޑާ 19، ރައްޔިތުންގެ މަޖިލީހުގެ އިންތިހާބުގައި ވެސް، އަޅުގަނޑުމެން އެމްޑީޕީގެ ފަރާތުން ވެފައިވާ ވައުދެއް. މިހާރު މިވަނީ ގާނޫނަށް އެބަދަލުތައް ގެނެވިފައި. އަދި ވަކިން ހާއްސަ ގޮތެއްގައި ކައުންސިލްތަކަށް ދެވުނު ބޮޑު ބަޖެޓާއެކުގައި ކައުންސިލްތަކުގެ މަސައްކަތްތައް ހިނގަމުންދާގޮތް ވަރަށް ބޮޑުތަނުން ތަފާތުވާނެ. އެތަފާތާއި އެކުގައި މަސައްކަތްކުރާނެ ކައުންސިލްތަކެއް ދިވެހިރާއްޖެއިން އިންތިހާބު ކުރުމުގެ މަސައްކަތުގައި އަޅުގަނޑުމެން މިއުޅެނީ. ރައީސް ވަރަށް ރަނގަޅަށް ވިދާޅުވެދެއްވައިފި ސަރުކާރުގެ ފަރާތުން ހިންގާހުރި މަޝްރޫއުތައް ހިންގުމުގައި، ސަރުކާރުން އެމ،ަޝްރޫއުތައް އެކުލަވާލިއިރު، ގެންގުޅުނު ވިސްނުން. ތަމްސީލްވާ ބާވަތުގެ ކައުންސިލަތަކަށް އައުލާކަން ބޮޑޭ މިކަން ފަސޭހަކަމާއެކީގައި ކުރުންރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު
މީގެ އިތުރުން ރައީސް ނަޝީދު ވިދާޅުވީ، ކައުންސިލްތަކުގެ އިންތިޚާބުގެ ބޮޑު ނަތީޖާއަކުން ނުވަތަ ބޮޑު ތަފާތަކުން އެމްޑީޕީއަށް ކާމިޔާބު ކުރެވޭނެ ކަމުގެ ވަރަށް ބޮޑު ޔަޤީންކަމެއް އެބައޮތްކަމަށެވެ.
ކައުންސިލްތަކުގެ އިންތިޚާބަށް ވާދަކުރާނެ ކެންޑިޑޭޓުން ކަނޑައެޅުމަށް އެމްޑީޕީން ބޭއްވި ޕްރައިމަރީއަށް ފަހު، ނޫސްވެރިންނަށް މަޢުލޫމާތު ދެއްވަމުން ރައީސް ނަޝީދު ވަނީ އެމްޑީޕީން ލޯކަލް ކައުންސިލްތަކުގެ އިންތިޚާބު ފަށާނީވެސް 60 ޕަސެންޓް ގޮނޑިއާ އެކުކަމަށް ވިދާޅުވެފައެވެ.
ރައީސް ޞާލިޙު ވެސް ވިދާޅުވަނީ، 19 ވަނަ ރައްޔިތުންގެ މަޖިލީހުގެ އިންތިޚާބުގައި އެމްޑީޕީން ހޯއްދެވި ފުރިހަމަ ކާމިޔާބަށް ބަލާއިރު، އަދި ރައްޔިތުން ތިބީ ހަމަ އެމިޞްރާބަށް ދަތުރުކުރަންކަމަށް ޤަބޫލު ކުރެވޭތީ، ލޯކަލް ކައުންސިލްތަކުގެ އިންތިޚާބުގައި އެއަށްވުރެން ގިނަ ގޮނޑި އެމްޑީޕީއަށް ކާމިޔާބު ކުރެވޭނެ ކަމަށް ޤަބޫލު ކުރެއްވޭ ކަމަށެވެ.
