އެމްޑީޕީ ސެކެޓްރީ ޖެނެރަލްގެ މަގާމަށް ކުރިމަތިލުމުގެ ފުރުސަތު ހުޅުވާލައިފި
ސުންގަޑިއަކީ 19 ފެބްރުވަރީ 2020 ވާ ބުދަ ދުވަހުގެ މެންދުރުފަހު 2:00
އެމްޑީޕީގެ ކުރީގެ ސެކެޓްރީ ޖެނެރަލް އަނަސް އަބްދުއް ސައްތާރު
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ސެކެޓްރީ ޖެނެރަލްގެ މަގާމަށް ކުރިމަތި ލުމުގެ ފުރުސަތު ހުޅުވާލައިފިއެވެ.
އެމްޑީޕީން ކޮށްފައިވާ އިއުލާނުގައި ވަނީ ސެކެޓްރީ ޖެނެރަލްގެ މަގާމަށް ކުރިމަތިލާ ފަރާތްތަކުގެ ޝަރުތަކީ މަޤާމުގެ މަސައްކަތް ކުރުމުގެ ހުނަރު ނުވަތަ ޤާބިލްކަން ހުރިކަން ސާބިތުކޮށްދިނުމާއެކު، ޔުނިވާރސިޓީ ޑިގްރީއެއް ލިބިފައިވުމުގެ އިތުރުން ހިންގުމުގެ ތަޖުރިބާ ލިބިފައިވާ އެމްޑީޕީގެ މެންބަރެއް ކަމުގައި ވުން ކަމަށެވެ.
މުސާރައަކީ ދެ ފަރާތް އެއްބަސްވާ އަގެއްކަން ފާހަގަކޮށް އެމްޑީޕީން ބުނީ އެމަޤާމަށް ކުރިމަތިލައްވަން ބޭނުންފުޅުވާ ޝަރުތުފުރިހަމަވާ ފަރާތްތަކުން 19 ފެބްރުވަރީ 2020 ވާ ބުދަ ދުވަހުގެ މެންދުރުފަހު 2:00 ނިޔަލަށް، އެމްޑީޕީގެ ޤައުމީ ސެކްރެޓޭރިއަޓަށް ސިޓީއާއި ވަނަވަރު ހުށަހެޅުއްވޭނެ ކަމަށެވެ.
އެމްޑީޕީގެ ސެކެޓްރީ ޖެނެރަލްގެ މަގާމަށް ކުރިމަތިލުމުގެ ފުރުސަތު ހުޅުވާލެވުނީ އެ މަގާމުގައި ހުންނެވި އަނަސް އަބްދުއްސައްރާގެ މަގާމުގެ ދައުރު ހަމަވުމާއި ގުޅިގެންނެވެ.
