މެދުއުތުރު ރަށެއްގައި ދޮންބައްޕައަކު ދެ ކުދިންނާ ބެހުނު މައްސަލައެއް ބަލަން ފަށައިފި
މި މައްސަލައިގައި ހިމެނެނީ 55 އަހަރުގެ ފިރިހެނެއް
ކުޑަކުއްޖަކަށް ޖިންސީއަނިޔާ ކުރާކަން ދައްކުވައިދޭ މަންޒަރެއް
މެދުއުތުރު ރަށެއްގައި ދޮންބައްޕައަކު އޭނާގެ 2 ދޮންދަރިންނާ ބެހުނު މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ ކ. އއ. އދ. އަދި ވ. އަތޮޅު ހިމެނޭ ރަށެއްގައި 55 އަހަރުގެ ދިވެހި ފިރިހެނެއް އޭނާގެ 2 ދޮންދަރިންނާއި މެދު ޖިންސީ ގޯނާ ކުރި މައްސަލައެއް މި މަހުގެ 1 ވަނަ ދުވަހު ފުލުހުންނަށް ހުށަހެޅިފައިވާ ކަމަށެވެ. ފުލުހުން ބުނީ ދޮންބައްޕަ ބެހިފައިވަނީ 18 އަހަރުން ދަށުގެ 2 އަންހެން ކުދިންނާ ކަމަށެވެ.
ފުލުހުން ބުނީ މި މައްސަލަ ބަލަމުން އަންނަ ކަމަށެވެ.
"ރާއްޖެ އެމްވީ" އަށް މައުލޫމާތު ލިބިފައިވަ ގޮތުގައި މި ފިރިހެން މީހާއަކީ އއ. ފެރިދޫއަށް ނިސްބަތްވާ މީހެކެވެ. އަދި އޭނާއެކު އޭނާގެ އަނެހުންނާއި ދޮންދަރިން ދިރިއުޅެމުން އައީ ފެރިދޫގައެވެ. ނަމަވެސް ދޮންބައްޕަގެ އުނދަގޫ ބޮޑުވުމުގެ ސަބަބުން ދެ ކުދިންނާއި އެކުދިންގެ މަންމަ ވަނީ އަނބުރާ އެމީހުންގެ ރަށަށް ބަދަލުވެފައެވެ.
