ތިމަރަފުށީގައި 100 ހައުސިންގ ޔުނިޓް އިމާރާތްކުރުމުގެ މަޝްރޫޢެއްގައި ސޮއިކޮށްފި

ތ، ތިމަރަފުށީގައި ޑިޒައިން އެންޑް ބިލްޑް އުޞޫލުން 100 ހައުސިންގ ޔުނިޓު ޑިޒައިންކޮށް ޢިމާރާތްކުރުމުގެ މަސައްކަތް ކުރުމުގެ އެއްބަސްވުމެއްގައި ސޮއިކޮށްފި އެވެ.

ހައުސިންގ އެންޑް އަރބަން ޑިވެލޮޕްމަންޓް މިނިސްޓްރީގައި ބުރާސްފަތި ދުވަހު ބޭއްވި މި ރަސްމިއްޔާތުގައި، އެ އެއްބަސްވުމުގައި ސޮއި ކުރެއްވީ އެމިނިސްޓްރީގެ ޑެޕިއުޓީ މިނިސްޓަރު މުހައްމަދު ޚާލިސް ޝަރީފެއެވެ. އެމަސައްކަތް ޙަވާލު ކުރެވުނު، އެސްޖޭ ކޮންސްޓްރަކްޝަން ކުންފުނީގެ ފަރާތުން ސޮއި ކުރެއްވީ އެކުންފުނީގެ ޑިރެކްޓަރެކެވެ.

މި މަޝްރޫޢަކީ އެއް އަހަރު ދުވަހުގެ މުއްދަތަށް ނިންމުމަށް ހަމަޖެހިފައިވާ މަޝްރޫޢެކެވެ. އަދި މި މަޝްރޫޢުގެ އަގަކީ 71،510،250ރ (ހަތްދިހަ އެއް މިލިއަން ފަސްލައްކަ ދިހަހާސް ދުއިސައްތަ ފަންސާސް ރުފިޔާ) އެވެ.

ބޯހިޔާވަހިކަން ފޯރުކޮށްދިނުމުގެ ތަފާތު އެކި މަޝްރޫޢުތައް ސަރުކާރުން ހިންގަމުންދާއިރު، މިއީ ދައުލަތުގެ ބަޖެޓުގެ ޕީއެސްއައިޕީގެ ދަށުން ހިންގާ މަޝްރޫޢެކެވެ.