ރާއްޖެ
ރަސްމާދޫ
ރަސްމާދޫގައި އަލަށް އިމާރާތްކުރާ އިންޖީނުގެ އެޅުމަށް ބަޔަކާ ހަވާލުކޮށްފި
މި މަޝްރޫއަށް 5.5 މިލިއަން ރުފިޔާ ޚަރަދުވާނެ
އަމްނާ އިމާދު, ރާއްޖެ އެމްވީ | 21 ޖެނުއަރީ 2020 | އަންގާރަ 16:04
އެއްބަސްވުމުގައި ސޮއިކުރި ރަސްމިއްޔާތުގެ ތެރެއިން
ރ. ރަސްމާދޫގައި އަލަށް އިމާރާތް ކުރާ އިންޖީނުގެ އެޅުމަށް ބަޔަކާ ހަވާލުކޮށް، އެއްބަސްވުމުގައި ސޮއިކޮށްފިއެވެ.
މި މަސައްކަތް ހަވާލުކޮށްފައިވަނީ ''ޓައިނީ ނީމޯ'' ކުންފުންޏާއެވެ.
މި އެއްބަސްވުމުގައި ފެނަކައި ކޯޕްރޭޝަންގެ ފަރާތުން ސޮއިކުރެއްވީ ޑެޕިއުޓީ މެނޭޖިން ޑިރެކްޓަރު އިބްރާހިމް ވަހީދެއެވެ. ޓައިނީ ނީމޯގެ ފަރާތުން އެއްބަސްވުމުގައި ސޮއިކުރެއްވީ މުހައްމަދު ޝިޔާމްއެވެ.
މިމަސައްކަތް ޓައިނީ ނީމޯއާ ހަވާލުކޮށްފައިވަނީ 13-09-2020 ވަނަ ދުވަހު ނިންމާ ހަވާލުކުރަންޖެހޭ ގޮތަށްށެވެ. އަދި އަމަލީ މަސައްކަތް މިމަހުގެ 27 ގައި ފަށަންޖެހެއެވެ.
މި މަޝްރޫޢަށް 5.5 މިލިއަން ރުފިޔާ ޚަރަދުވާނެ ކަމަށް ފެނަކައިން މަޢުލޫމާތުދެއެވެ.
