އިނގިރޭސި ޕްރިމިއާ ލީގުގައި މެންޗެސްޓާ ސިޓީ އާއި ކްރިސްޓަލް ޕެލެސް ބައްދަލުކުރި މެޗު އެއްވަރުވެ ސިޓީއަށް ގޮންޖެހުންތަކަކާއި ކުރިމަތިލާން ޖެހިއްޖެއެވެ.

ސިޓީގެ ދަނޑުގައި ކުޅުނު މި މެޗު ނިމިގެންދިޔައީ 2-2 ގެ ނަތީޖާއަކުންނެވެ.

މި މެޗު ފަށައިގެން ސިޓީއިން މޮޅު އެޓޭކިންގ ގޭމެއް ކުޅެމުން ގެންދިޔައިރު މެޗުގެ 15 ވަނަ މިނެޓުގައި ސިޓީއަށް ވަނީ ލަނޑު ޖަހަން ފުރުސަތުތަކެއް ލިބި ބޭކާރުވެފައެވެ. އެގޮތުން ސާޖިއޯ އަގުއެރޯ ފޮނުވާލި ބޯޅަ ކްރިސްޓަލް ޕެލެސްގެ ކީޕަރު ވަނީ ހުށިޔާރުކަމާއިއެކު ދިފާއުކޮށްފައެވެ. އޭގެ ފަހުން މެޗުގެ 28 ވަނަ މިނެޓުގައި ސިޓީގެ ސްޓާލިންގް ވަނީ ނުރައްކާތެރި ހަމަލާއެއް ކްރިސްޓަލް ޕެލެސްގެ ގޯލަށް ފޮނުވައިލައިފައެވެ. ނަމަވެސް އޭނާ ފޮނުވައިލި ހަމަލާދިޔައީ އަރިމަތީ ދަނޑި ކައިރިން ބޭރަށަށެވެ. މެޗުގެ 39 ވަނަ މިނެޓުގައި ކްރިސްޓަލް ޕެލެސްއިން ވަނީ ލަނޑު ޖަހާ ލީޑު ނަގައިފައެވެ. މި ލަނޑު އެޓީމަށް ކާމިޔާބުކޮށްދިނީ ސެންކް ޓޮސުން އެވެ.

މެޗުގެ ފުރަތަމަ ހާފު ނިމިގެންދިޔައީ 1-0 ގެ ނަތީޖާ އަކުނެނެވެ.

މެޗުގެ ދެވަނަ ހާފު ފަށައިގެން ސިޓީއިން އެޓީމުގެ ކުޅުން ރަނގަޅުކުރިއިރު މި ހާފުގައި ސިޓީއިން ވަނީ ފުލުފުލުގައި ކްރިސްޓަލް ޕެލެސްގެ ގޯލަށް ހަމަލާތައް ފޮނުވައިލައިފައެވެ. އެގޮތުން މެޗުގެ 82 ވަނަ މިނެޓުގައި ސިޓީއިން ވަނީ ލަނޑު ޖަހާ ނަތީޖާ ހަމަހަމަ ކޮށްފައެވެ. މި ލަނޑު އެޓީމަށް ކާމިޔާބުކޮށްދިނީ ސާޖިއޯ އަގުއެރޯއެވެ. އަދި އޭގެ ފަސް މިނެޓުފަހުން ސިޓީއިން ވަނީ އިތުރު ލަނޑެއްޖަހާ ލީޑު ނަގައިފައެވެ. މި ލަނޑު ވެސް އެޓީމަށް ކާމިޔާބުކޮށްދިނީ އަގުއެރޯއެވެ. 2-1 ގެ ނަތީޖާއަކުން ސިޓީ

މޮޅުވަނިކޮށް މެޗުގެ 90 ވަނަ މިނެޓުގައި ސިޓީގެ ކުޅުންތެރިއެއް އަތުން ބައިކޮޅަށް ލަނޑެއް ވަނީ ވަދެފައެވެ.

މިނަތީޖާއާއި އެކު ލީގު ތާވަލުގެ އެއްވަނައިގައި ލިވަރޕޫލުން އޮތީ 21 މެޗުން ލިބުނު 61 ޕޮއިންޓާއެކުގައެވެ. އަދި ދެވަނައިގައި ސިޓީއިން އޮތީ ކުޅުނު 23 މެޗުން ލިބުނު 48 ޕޮއިންޓާއެކުގައެވެ.