ސަރުކާރުގެ އެކި ބޭނުންތަކަށް ރަށްރަށުން ދޫކޮށްފައި ހުންނަ ބިންތަކުން ކައުންސިލްތަށް އަގުލިބޭ ގޮތް ހަދަނީ
ރައީސް ވިދާޅުވީ ސަރުކާރާއި ވާހަކަ ދައްކައިގެން ބަދަލު ގެންނަންޖެހޭ ކަމަށް ދެކެވަޑައިގަންނަވާ ކަމަށް
އިރުވައި ކޮންފެރެންސް
ސަރުކާރުގެ އެކި ބޭނުންތަކަށް ރަށްރަށުން ދޫކޮށްފައި ހުންނަ ބިންތަކުން ކައުންސިލްތަކަށް އަގު ލިބޭގޮތަށް ސަރުކާރުން އެކަން ކުރައްވާނެ ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެ އެވެ.
ހދ. ކުޅުދުއްފުށި ސިޓީގައި އެމްޑީޕީން އިންތިޒާމުކޮށްގެން ކުރިޔަށްގެންދާ "ތިލަދުންމަތި އިރުވައި ކޮންފެރެންސް" ގެ ބައިވެރިއަކު ކައުންސިލްތަކުގެ އިހުތިޞާޞް ކަނޑައެޅުމާއެކު ސަރުކާރުގެ އެކި ބޭނުންތަކަށް ކުރިން ދޫކޮށްފައި ހުރި ބިންތަކުން އަގު ނެގުމުގެ ކަންކަން ކައުންސިލްތަކަށް ލިބިގެންދާނެތޯ ދެންނެވި ސުވާލަށް ޖަވާބު ދެއްވަމުން ރައީސް ވިދާޅުވީ ކުރީގެ ކޮންޓްރެކްޓްތަކެއް ލާރި ނުލިބޭ ގޮތަށް ހުރިނަމަވެސް ސަރުކާރާއި ވާހަކަ ދައްކައިގެން ބަދަލު ގެންނަންޖެހޭ ކަމަށް ދެކެވަޑައިގަންނަވާ ކަމަށެވެ.
މިހާރު އޮންނަ ގޮތުން ރަށްރަށުން އެކި ބޭނުންތަކަށް ސަރުކާރަށާއި ސަރުކާރު ހިއްސާވާ އެކި ކުންފުނިތަކަށް ދޫކޮށްފައި ހުންނަ ބިންތަކުން ކުލި ދައްކަނީ މީރާ އަށެވެ. އެފައިސާ ކައުންސިލްތަކަށް ނުލިބޭތީ އެކަމުގެ ޝަކުވާ ގިނަ ކައުންސިލްތަކަކުން އަންނަނީ ކުރަމުންނެވެ.
