ވިޔަފާރި-އިގްތިސާދު
އެސްޓީއޯ
އެސްޓީއޯއިން ޑެވޮންޑޭލް ކިރު ގަނެގެން ހާއްސަ އިނާމެއް ހޯދުމުގެ ފުރުސަތު
ޕްރޮމޯޝަން ކުރިއަށްދާނީ ފެބްރުއަރީ 12 ގެ ނިޔަލަށް
ޙުސައިން މަޚްތޫމް, ރާއްޖެ އެމްވީ | 14 ޖެނުއަރީ 2020 | އަންގާރަ 14:28
އެސްޓީއޯއިން ވިއްކަމުން އަންނަ ޑެވޮންޑޭލް ކިރު
އެސްޓީއޯ އިން "ބެކް ޓު ސްކޫލް" ގެ ނަމުގައި ޑެވޮންޑޭލް ކިރަށް ހާއްސަ ޕްރޮމޯޝަނެއް އާދީއްތަ ދުވަހު ފަށައިފިއެވެ.
އެސްޓީއޯ އިން ބުނީ ފެބްރުއަރީ މަހުގެ 12 ގެ ނިޔަލަށް ކުރިއަށް ގެންދާ މި ޕްރޮމޯޝަންގައި އެސްޓީއޯ ސުޕަރމާޓުން ވިއްކާ ޑެވޮންޑޭލް ފުލް ކްރީމް 200 އެމްއެލް ޕެކެޓުގެ ކޭހެއް ގަތުމުން އިނާމެއް ލިބޭނެ ކަމަށެވެ. އޭގެ ކޭހެއް ލިބެނީ 170 ރުފިޔާއަށެވެ.
އެސްޓީއޯ އިން ވިއްކާ ޑެވޮންޑެލްއަކީ އޮސްޓްރޭލިއާގެ އެއްވަނަ ކިރުގެ އުފެއްދުމެކެވެ. މިއީ ރާއްޖޭގައި ވެސް މަޝްހޫރު އަދި ގިނަ ބަޔަކަށް ކަމުދާ ބްރޭންޑެކެވެ.
އެސްޓީއޯއިން އަންނަނީ ޑެވޮންޑޭލްގެ ދިޔާ ކިރުގެ 8 ބާވަތެއް އަދި ހިކި ކިރުގެ ދެ ބާވަތެއް ރާއްޖޭގައި ވިއްކަމުންނެވެ.
