ކ. މާލެ
|
14 ޖެނުއަރީ 2020 | އަންގާރަ 19:27
އީރާނުގެ ރައީސް ހަސަން ރޫހާނީ
އީރާނުގެ ރައީސް ހަސަން ރޫހާނީ
އަލްޖަޒީރާ
ޔޫކްރެއިން ފްލައިޓް ވައްޓާލުން
ފްލައިޓް ވައްޓާލި މައްސަލައިގައި ބަޔަކު ހައްޔަރުކޮށްފި، ރައީސް ރޫހާނީ ވިދާޅުވީ މިއީ "މާފު ނުކުރެވޭ ފަދަ އެރަރ"އެއްކަމަށް
 
0 މީހުންނާއެކު ތެހްރާންއިން ފުރައިގެން ޔޫކްރައިންއަށް ދަތުރުކުރަމުންދިޔަ ފްލައިޓް ޕީއެސް752 ވައްޓާލާފައިވަނީ މިދިޔަ ހަފްތާގައި

ޔޫކްރައިން އިންޓަނޭޝަނަލް އެއާލައިންސް ފްލައިޓް ޕީއެސް752 ވައްޓާލެވިފައިވަނީ އޮޅުމަކުންކަމަށް އީރާނުން އެއްބަސްވެފައިވާއިރު، އެކަމާ ގުޅިގެން ބަޔަކު ހައްޔަރު ކޮށްފިއެވެ.

ފްލައިޓް ވައްޓާލުމާ ގުޅިގެން ފުރިހަމަ ތަހުގީގެއް ކުރިއަށް ގެންދާނެ ކަމަށާއި، މިހާރުވެސް ބައެއް ފަރާތްތައް ހައްޔަރު ކުރެވިފައިވާކަމަށް އީރާނުގެ ޖުޑީޝަރީގެ ތަރުޖަމާނު ވިދާޅުވިއެވެ. ނަމަވެސް، އިތުރު އެއްވެސް މައުލޫމާތެއް ހާމައެއް ނުކުރައްވައެވެ.

އީރާނު އަސްކަރިއްޔާއާ ހަވާލާދީ އެ ގައުމުގެ ދައުލަތުގެ މީޑިއާއިން ބުނީ، މި ހާދިސާއާއި ގުޅިގެން ޒިންމާދާރު ވާންޖެހޭ ހުރިހާ ފަރާތްތައް ޖަވާބުދާރީ ކުރުވާނެ ކަމަށެވެ.

180 މީހުންނާއެކު ތެހްރާންއިން ފުރައިގެން ޔޫކްރައިންއަށް ދަތުރުކުރަމުންދިޔަ ފްލައިޓް ޕީއެސް752 ވައްޓާލާފައިވަނީ މިދިޔަ ހަފްތާގައެވެ. އީރާނުގެ އަސްކަރިއްޔާއަށް އެ ފްލައިޓް ވައްޓާލެވުނީ "އޮޅުމެއް އަރައިގެން ހެދުނު ގޯހަކުން'' ކަމަށް ބުނެފައިވާއިރު، މި ހާދިސާ ހިނގާފައިވަނީ އެމެރިކާއިން ދިން ހަމަލާއެއްގައި އިރާނުގެ ސަލާމަތީ ބާރުތަކުގެ އެންމެ މަތީވެރިޔާ ޤާސިމް ސުލައިމާނީ އަވަހާރަކޮށްލިތާ ދުވަސްކޮޅެއް ފަހުންނެވެ.

ފްލައިޓް ވައްޓާލެވުނީ އޮޅުމަކުންކަމަށް އީރާނުން އެއްބަސްވެފައިވަނީ އީރާނުގެ އަސްކަރީ ހަމަލާއެއްގައި ކަމަށް ހުޅަނގުގެ ބާރުތަކުން ހާމަކުރި ފަހުން، ހޮނިހިރު ދުވަހުއެވެ. އަދި މިކަމާ ގުޅިގެން އީރާނުގައި މުޒާހަރާތައް ފަށާފައިވާއިރު، ބައިވެރިންތައް ވަނީ ގައުމުގެ ލީޑަރުންގެ އިސްތިއުފާއަށް ގޮވާލާފައެވެ.

ސޯޝަލް މީޑިއާގައި ދައުރުވާ ވީޑިއޯތަކަށް ބަލާއިރު، މުޒާހަރާ ރޫޅާލުމަށް އީރާނުގެ ސަލާމަތީ ބާރުރަކުން ވަނީ ބާރުގެ ބޭނުންކޮށްފައެވެ. ނަމަވެސް، ފުލުހުން މިކަންތައް ދޮގު ކުރެއެވެ.

ފްލައިޓް ވައްޓާލި މައްސަލަ ވަރަށް ސީރިއަސްކޮށް ބެލުމަށް އީރާނުގެ ރައީސް ހަސަން ރޫހާނީ ވަނީ ވައުދުވެވަޑައިގެންފައެވެ.

އަންގާރަ ދުވަހު ރައީސް ރޫހާނީ ވިދާޅުވީ، މި "މާފު ނުކުރެވޭ ފަދަ އެރަރ" އެއް ކަމަށާއި ފުރިހަމައަށް އެކަން ތަހުގީގު ކުރައްވާނެ ކަމަށެވެ. އަދި ރޫހާނީ ވަނީ މި މައްސަލަ ބެލުމަށް ހާއްސަ ޓީމެއް އެކުލަވާލުމަށް ގޮވާލައްވާފައެވެ.

"މިއީ އާދައިގެ މައްސަލައެއް ނޫން. މުޅި ދުނިޔޭގެ ނަޒަރު އޮންނާނީ މި ކޯޓަށް"
ރައީސް ރޫހާނީ

މީގެ އިތުރުން، ރޫހާނީ ވިދާޅުވީ މި ގޯސް ހެދުމުގައި އިހުމާލުވާ ހުރިހާ ފަރާތްތަކަށް ފިޔަވަޅު އެޅެން ޖެހޭނެކަމަށެވެ.

ޔޫކްރައިން އިންޓަނޭޝަނަލް އެއާލައިންސް ފްލައިޓް ޕީއެސް752 ވައްޓާލިއިރު ފްލައިޓުން ދަތުރު ކުރަމުން ދިޔައީ 176 ފަސިންޖަރުންނާއި ހަތަރު ކްރޫ މެމްބަރުންނެވެ. އޭގެ ތެރޭގައި 82 އީރާނުގެ ރައްޔިތުން ވެސް ހިމެނެއެވެ.

ބައެއް ފަރާތްތަކުން ގަބޫލުކުރާ ގޮތުގައި މި ހާދިސާގެ ޒިންމާ އެމެރިކާގެ ރައީސް ޑޮނަލްޑް ޓްރަމްޕް ވެސް ނަންގަވަން ޖެހެއެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
100%
0%
0%
0%
0%
ކޮމެންޓް
ގުޅުންހުރި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި
ގެދޮރުވެރިކަމަށް ބޭނުންޖެހިފައިވާ ދިވެހި ސިފައިންނަށް ގެދޮރުވެރިކަން ޔަގީންކޮށްދޭނަން: ރައީސް މުއިއްޒު