އެމްޕީއެލްއިން އެޑިޔުކޭޝަން މިނިސްޓްރީއަށް ކޮމްޕިއުޓަރ ސިސްޓަމްތަކެއް ހަދިޔާކޮށްފި
13 ޖެނުއަރީ 2020 | ހޯމަ 04:2510 ކޮމްޕިއުޓަރ ސިސްޓަމް ހަދިޔާ ކުރި
ކޮންޕިއުޓަރުތައް ހަވާލުކުރި ރަސްމިއްޔާތުގެ ތެރެއިން
މޯލްޑިވްސް ޕޯޓްސް ލިމިޓެޑް (އެމްޕީއެލް) އިން މިނިސްޓްރީ އޮފް އެޑިއުކޭޝަނަށް ކޮމްޕިއުޓަރ ސިސްޓަމްތަކެއް ހަދިޔާކޮށްފިއެވެ.
އެޑިޔުކޭޝަން މިނިސްޓްރީން ބުނީ އާދިއްތަ ދުވަހު އެމްޕީއެލްއިން މިނިސްޓްރީ އޮފް އެޑިއުކޭޝަނަށް 10 ކޮމްޕިއުޓަރ ސިސްޓަމާއި އެއާގުޅޭ ޔޫޕީއެސް ސިސްޓަމް ހަދިޔާ ކޮށްފައިވާ ކަމަށެވެ.
މިއަދު މޯލްޑިވްސް ޕޯޓްސް ލިމިޓެޑްގައި ބޭއްވި ރަސްމިއްޔާތެއްގައި މި ސިސްޓަމްތައް ހަވާލުކޮށް ދެއްވީ މޯލްޑިވްސް ޕޯޓްސް ލިމިޓެޑްގެ ޗީފް އެގްޒެކެޓިވް އޮފިސަރ ޝާހިދު އަލީއެވެ. އަދި މިނިސްޓްރީގެ ފަރާތުން މި ސިސްޓަމްތަކާއި ހަވާލުވެ ވަޑައިގެންނެވީ މިނިސްޓަރ ޑރ. އާއިޝަތު ޢަލީ އެވެ.
މިއީ ރާއްޖޭގެ ސްކޫލްތަކުގައި ބޭނުންކުރުމަށް ހަދިޔާކުރެއްވި ކޮމްޕިއުޓަރ ސިސްޓަމް ތަކެކެވެ. އަދި މި ކޮމްޕިޓަރުތައް ވަރަށް އަވަހަށް ސްކޫލްތަކަށް ފޯރުކޮށްދެވިގެން ދާނެކަމަށް، އެޑިއުކޭޝަން މިނިސްޓްރީން ވަނީ މައުލޫމާތު ދީފައެވެ.
