ރެސްޓޯރެންޓެއްގެ ތެރޭގައި ބަނގުރަލުގެ ވިޔަފާރި ކުރަމުންދިޔަ ބަޔަކު ހައްޔަރުކޮށްފި
12 ޖެނުއަރީ 2020 | އާދީއްތަ 18:01މިމައްސަލާގައި ފުލުހުންގެ ބެލުމުގެ ދަށަށް ގެނެސްފައިވަނީ ދިވެހި ދެ ފިރިހެނުންނާއި ސްރީލަންކާ މީހެއް
މާލެ ސިޓީ ރެސްޓޯރެންޓަކުން ބަނގުރަލުގެ ވިޔަފާރިކުރާ ބަޔަކު ވަނީ ހައްޔަރުކޮށްފައި
މާލޭގެ ރެސްޓޯރެންޓެއްގެ ތެރޭގައި ތިން މީހަކު ބަނގުރާ ބޭނުންކޮށް އެ ވިޔަފާރި ކުރަމުންދާތީ އެތިން މީހުން ހައްޔަރުކޮށްފައިވާ ކަމަށް މޯލްޑިވްސް ޕޮލިސް ސަރވިސް އިން ބުނެފި އެވެ.
ފުލުހުން ބުނީ އާދިއްތަ ދުވަހުގެ ހެނދުނު 8:50 ހާއިރު މާލޭގެ ރެސްޓޯރެންޓެއްގައި ބަޔަކު ބަނގުރާ ބޭނުންކޮށް ވިޔަފާރިކުރަމުންދާ ކަމުގެ މައުލޫމާތު ފުލުހުންނަށް ލިބުމުން އެރެސްޓޯރެންޓަށް ދިޔަ ކަމަށެވެ. އަދި އެމީހުން ގެންގުޅުނު ތިން ދަބަސް ބަލާފާސްކުރިއިރު ގިނަ އަދަދެއްގެ ބަނގުރާ ކަމަށްބެލެވޭ އެއްޗެހި ހުރި ފުޅިތަކެއް ފެނިފައިވާ ކަމަށް ފުލުހުން ބުނެއެވެ.
މިމައްސަލާގައި ފުލުހުންގެ ބެލުމުގެ ދަށަށް ގެނެސްފައިވަނީ އުމުރުން 34 އަހަރާއި 50 އަހަރުގެ ދިވެހި ދެ ފިރިހެނުންނާއި 38 އަހަރުގެ ސްރީލަންކާ ފިރިހެނެއްކަމަށްވެސް ފުލުހުން ބުނެއެވެ.
މިމައްސަލަ އިތުރަށް ތަހުގީގުކުރަމުންދާ ކަމަށްވެސް ފުލުހުން ބުނެއެވެ.
