"ތަގްސް އޮފް ހިންދުސްތާން" ގެ ބަތަލާއަށް ކެޓްރީނާ
މި ފިލްމުގެ ސްކްރިޕްޓް ލިޔެފައިވަނީ ވެސް ވިޖޭ ކްރިޝްނާ
ތަގްސް އޮފް ހިންދުސްތާން ގެ އެކްޓަރ ކެޓްރީނާ ކައިފް
"ތަގްސް އޮފް ހިންދުސްތާން" ގެ ބަތަލާ އަށް ކެޓްރީނާ ކައިފް ހަމަޖައްސައިފިއެވެ.
މިއަންނަ މަހުގައި ޝޫޓް ކުރާނެ ކަމަށް ބުނާ "ތަގްސް އޮފް ހިންދުސްތާން" ގައި ކެޓްރީނާ ފެނިގެންދާނީ އާމިރު ޚާނާއި، އަމީތާބް ބައްޗަން އަދި ފާތިމަތު ސަނާ ޝައިޚްއާ އެކީގައެވެ.
ބަތަލާގެ ރޯލަށް އެންމެ ފުރަތަމަ ހަމަޖައްސާފައިވަނީ "ވާނީ ކަޕޫރު" ކަމަށް ޚަބަރުތައް ބުނި ނަމަވެސް ފަހުން ވަނީ އާލިޔާ ބަޓް ނުވަތަ ޝްރައްދާ ކަޕޫރުހަމަޖެއްސި ކަމަށް ވެސް ޚަބަރު ފެތުރިފައެވެ. އެހެން ނަމަވެސް އާލިއާ އާއި ޝްރައްދާ ކަޕޫރު މި ފިލްމުގައި ފެނިގެން ނުދާނެކަން މިހާރު ވަނީ ޔަގީން ވެފައެވެ.
"ދޫމް 3" ގެ ވެސް ޑައިރެކްޓަރ ވިޖޭ ކްރިޝްނާ އަޗާރިޔާ ޑައިރެކްޓް ކުރާ "ތަގްސް އޮފް ހިންދުސްތާން"ރިލީޒް ކުރުމަށް ހަމަޖައްސަފައި ވަނީ އަންނަ އަހަރުއެވެ.
އާމިރު ވަނީ މި ފިލްމަށް ތައްޔާރީ ވުމަށް އެކި ކަންތައްތައް ކުރަމުންނެވެ. އެ ގޮތުން އޭނާ ވަނީ އޭނާގެ އިސްތަށިގަނޑާއި ތުބުޅި ވެސް ވަކި ގޮތަކަށް ބައްޓަންކޮށްފައެވެ.
މި ފިލްމުގެ ސްކްރިޕްޓް ލިޔެފައިވަނީ ވެސް ވިޖޭ ކްރިޝްނާއެވެ. މި ފިލްމުގެ ޕްރޮޑިއުސަރަކީ އަދިތްޔާ ޗޮޕްރާއެވެ.
