ކ. މާލެ
|
8 ޖެނުއަރީ 2020 | ބުދަ 09:06
ނޮވެމްބަރގެ ޝޫޓިންގެ ތެރެއިން
ނޮވެމްބަރގެ ޝޫޓިންގެ ތެރެއިން
ފޭސްބުކް
ފިލްމް-ނޮވެންބަރ
ފިލްމް ''ނޮވެންބަރ'' ގެ 98 ޕަސެންޓް ޝޫޓްކޮށް ނިންމާލައިފި
 
ފިލްމު ރިލީޒްކުރާނެ ތާރީހެއް އަދި ނޭނގެ
 
މަޝްހޫރު ގިނަ ތަރިންތަކެއް ހިމެނޭ
 
ފްލައިޓެއްގައި ނަގަން ޖެހޭ މަންޒަރެއް އެބައިން: މޮގާ

ޑާކްރެއިން އެންޓަޓެއިންމެންޓުން މި އަހަރު ސިނަމާތަކަށް ގެންނަން ތައްޔާރުވަމުންދާ ލޯބީގެ ފިލްމު "ނޮވެންބަރ" ގެ 98 ޕަސެންޓް ޝޫޓްކޮށް ނިންމާލާފައިވާ ކަމަށް ފިލްމުގެ ޕްރޮޑިއުސަރު މުޙައްމަދު ޢަލީ (މޮގާ) ބުނެފިއެވެ.

އެ ފިލްމުގެ ޕްރޮޑިއުސަރު މޮގާ ރާއްޖެ.އެމްވީ އަށް ދިން އިންޓަވިއުއެއްގައި ބުނީ، ފިލްމުގެ އެޑިޓިންގ ގެ ފުރަތަމަ ބައި ނިންމުމަށްފަހު، މިހާރު ކުރިޔަށް ދަނީ ފޯކަސް ގްރޫޕުތަކަށް ފިލްމު ދެއްކުމުގެ މަސައްކަތް ކަމަށެވެ. މޮގާ ބުނީ، އިތުރު ދެ މަންޒަރެއް ޝޫޓް ކުރުމަށް ފަހު ދެން ނަގަން ހަމަޖެހިފައިވަނީ ފްލައިޓެއްގައި ނަގާ މަންޒަރެއް ކަމަށެވެ.

މުޅިއެކު ގާތްގަނޑަކަށް މިހާރު އިނީ ދެ މަންޒަރު އަޅުގަނޑުމެން ނަގަން ޖެހޭ. އެއީ ފްލައިޓެއްގެ ތެރޭގައި ނަގަން ޖެހޭ މަންޒަރެއް.
މުހައްމަދު އަލީ (މޮގާ) ~ ނޮވެމްބަރގެ ޕްރޮޑިއުސަރު ~

ހުސްވި ޑިސެމްބަރު މަހުގެ 23 ވަނަ ދުވަހު ނޮވެންބަރގެ ފުރަތަމަ ލަވަ ''މޫސުން'' ވަނީ ޔޫޓިއުބްގައި ރިލީޒްކޮށްފައެވެ. ޝަމްޢޫން މުޙައްމަދުގެ ލިރިކްސް އަކަށް ލަވަކިޔާދީފައިވަނީ މަރިޔަމް އަޝްފާއެވެ.

ރާއްޖޭގައި ފުރަތަމަ ފަހަރަށް ބޭއްވި ފްރެންޗައިޒް ޝޯވ މޯލްޑީވިއަން އައިޑަލްގެ ސީޒަން އެކަކުން ވިދާލި ލަވަކިޔުންތެރިޔާ ޝަލަބީ އިބްރާހީމްގެ އިތުރުން މަޝްހޫރު ޕްރެޒެންޓަރު މޫސާ ވަސީމް އަދި މޭނާ ހައްސާން ފަދަ ބެލުންތެރިންގެ މެދުގައި މަޤުބޫލު ފަންނާނުން "ނޮވެންބަރ" އިން ފެންނާނެއެވެ.

ކުޅަދާނަ ކެމެރާމަން އަދި ޑައިރެކްޓަރު އަހްމަދު ޝިނާން ޑައިރެކްޓްކުރާ "ނޮވެންބަރ" އަކީ ޑާރކްރެއިން އިން މިހާތަނަށް އުފައްދާ އެންމެ ބަޖެޓު ބޮޑު ފިލްމުކަން ފާހަގަކުރެވެއެވެ. ޑާރކްރެއިން އިން އެންމެ ފަހުން ސްކްރީން ކުރީ ކޮމެޑީ ފިލްމު "މާމުއި" އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
0%
0%
0%
100%
0%
ކޮމެންޓް