ޗައިނާ ސަރުކާރުގެ ސްކޮލަރޝިޕަށް ކުރިމަތިލުމުގެ ފުރުޞަތު ހުޅުވާލައިފި
7 ޖެނުއަރީ 2020 | އަންގާރަ 06:5202 ބެޗްލަރސް ޑިގްރީ، 01 މާސްޓަރސް 01 ޕީއެޗްޑީއަށް ފުރުސަތު ވަނީ ހުޅުވާލާފައި
ދަސްވެނިވުމުގެ ރަސްމިއްޔާތެއްގެ ތެރެއިން
ޗައިނާ ސަރުކާރުން ދޭ ސްކޮލަރޝިޕަށް ކުރިމަތިލުމުގެ ފުރުޞަތު މިނިސްޓްރީ އޮފް ހަޔަރ އެޑިޔުކޭޝަނުން ހުޅުވާލައިފިއެވެ.
ހަޔަރ އެޑިޔުކޭޝަނުން ބުނީ ޗައިނާ ސަރުކާރުގެ ސްކޮލަރޝިޕްތަކަކީ ޗައިނާގައި ހުންނަ ރާއްޖެ އެމްބަސީ މެދުވެރިކޮށް ލިބިފައިވާ ފުރުޞަތުތަކެއް ކަމަށެވެ. މި ފުރުޞަތުގެ ދަށުން 02 ބެޗްލަރސް ޑިގްރީ، 01 މާސްޓަރސް ޑިގްރީ، 01 ޕީ.އެޗް.ޑީއަށް ފުރުޞަތު ހުޅުވާލާފައިވާއިރު ޗައިނާ ސަރުކާރުން ދޭ މަތީ ތަޢުލީމުގެ ފުރުޞަތުތަކާއި،އަދި ދޭ ދާއިރާތަކުގެ ތަފުޞީލު އެ އެމްބަސީގެ ވެބްސައިޓުގަ، މިހާރުވަނީ ވަނީ ޢާންމުކޮށްފައެވެ.
ޗައިނާގައި ތިބެގެން ކިޔެވުމަށް ފުރުޞަތު ލިބިގެންދާއިރު، ފުލް ސްކޮލަރޝިޕެއްނަމަ މަދުވެގެން 2 އަހަރު، ޕާޝަލް ސްކޮލަރޝިޕެއްނަމަ މަދުވެގެން 1.5 އަހަރު އަދި ލޯނު އެހީއެއްނަމަ މަދުވެގެން 1 އަހަރު ވާނެއެވެ.
މީގެ އިތުރުން ހަޔަރ އެޑިޔުކޭޝަނުން ބުނީ ކެންޑިޑޭޓުން ކިޔަވަންދާން ކަނޑައެޅޭ ޔުނިވަރސިޓީއެއް އެނގޭނީ ޗައިނީޒް ސްކޮލަރޝިޕް ކައުންސިލުން ޕްލޭސްމަންޓް ހަމަޖެހުމުން ކަމަށާއި، މި ސްކޮލަރޝިޕަށް ހޮވޭ ފަރާތްތަައް ކަނދައަޅާނީ ސްކޮލަރޝިޕް ދޭ ފަރާތުން ކަމަށެވެ.
މި ސްކޮލަރޝިޕްގެ ދަށުން (ޓިއުޝަން ފީ، އެކޮމޮޑޭޝަން އަދި ސްޓައިޕެންޑް) ކޯސް އިންތިޒާމު ކުރާ ފަރާތުން ހަމަޖައްސައިދޭނެ ކަމަށާއި، މިނިސްޓްރީން ކެންޑިޑޭޓުން ނޮމިނޭޓް ކުރާނީ އެކަޑަމިކް މެރިޓަށް ޕޮއިންޓްދީގެން އެންމެ މަތިން ޕޮއިންޓް ލިބޭ ތަރުތީބުން ކަމަށެވެ. އަދި މި ސްކޮލަރޝިޕަށް ޕޮއިންޓްދޭގޮތުގެ ތަފުޞީލު މިނިސްޓްރީގެ ވެބްސައިޓުގަ މިހާރު ފެންނަން ހުންނާނެ ކަމަށް ހަޔަރ އެޑިޔުކޭޝަނުން މިނިސްޓްރީން މަޢުލޫމާތުދެއެވެ.
ކޯސް ފުރިހަމަކުރުމަށްފަހު، ދިވެހިރާއްޖެއަށް ޚިދުމަތް ކުރުމަށް ބޮންޑުކުރެވޭނެކަން ފާހަގަކުރައްވާ، ހަޔަރ އެޑިޔުކޭޝަނުން ބުނީ ކޯހަކަށް އެދި ހުށަހެޅުމަށްފަހު، މަދުވެގެން 6 މަސް ދުވަސް ވަންދެން މިނިސްޓްރީން ގުޅަން ބޭނުންވެއްޖެ ހިނދެއްގައި ގުޅޭނެގޮތް ހަމަޖައްސާފައި އޮންނަންވާނެ ކަމަށެވެ. އަދި ކޯހަށް ނޮމިނޭޓްވެއްޖެކަން މިނިސްޓްރީން އަންގާ ފަހުން ކޯސް ދޫކޮށްލައިފިނަމަ، "މަތީ ތަޢުލީމާއި ތަމްރީނު ހާޞިލުކުރުމަށް ލިބޭ ފުރުޞަތުގައި ވެވޭ އިގުރާރާ ޚިލާފުވުމުން ޢަމަލުކުރާނެ ގޮތުގެ އުސޫލު" ގައިވާ ގޮތުގެ މަތިން ފިޔަވަޅު އަޅާނެ ކަމަށެވެ.
ހަޔަރ އެޑިޔުކޭޝަނުން ވަނީ 30 ޖެނުއަރީ ވާ ބުރާސްފަތި ދުވަހުގެ 13:30 ގެ ނިޔަލަށް ޕޯޓަލް މެދުވެރިކޮށް ސްކޮލަރޝިޕަށް ފޯމު ހުށަހެޅުމުގެ ފުރުޞަތު ހުޅުވާލާފައެެވެ.
