ކ. މާލެ
|
4 ޖެނުއަރީ 2020 | ހޮނިހިރު 20:11
ދަ ގްރާންޑޭ އަދި ނިލަންދޫ ބައްދަލުކުރި މެޗުގެ ތެރެއިން
ދަ ގްރާންޑޭ އަދި ނިލަންދޫ ބައްދަލުކުރި މެޗުގެ ތެރެއިން
އެފްއޭއެމް
ދިރާގު ދިވެހި ޕްރިމިއާ ލީގު
ދަ ގްރާންޑޭ އަދި ނިލަންދޫ ބައްދަލުކުރި މެޗު އެއްވަރުވެގެން ނިމިއްޖެ
 
މި މެޗު އެއްވަރު ވެގެންދިޔައީ 1-1 ގެ ނަތީޖާ އަކުން

ދިރާގު ދިވެހި ޕްރިމިއާ ލީގުގައި ހުކުރު ދުވަހު ހަވީރު ދަ ގްރާންޑޭ ސްޕޯޓްސް ކްލަބާއި ނިލަންދޫ ސްޕޯޓްސް ކްލަބު ބައްދަލުކުރި މެޗު އެއްވަރުވެގެން ނިމިއްޖެއެވެ.

ގައުމީ ފުޓުބޯޅަ ދަނޑުގައި ކުޅުނު މި މެޗު ނިމިގެންދިޔައީ 1-1 އިން އެއްވަރުވެގެންނެވެ.

މި މެޗު ފަށައިގެން 7 ވަނަ މިނެޓުގައި ނިލަންދޫއިން ވަނީ ލަނޑު ޖަހާ ލީޑު ނަގައިފައެވެ. މި ލަނޑު އެޓީމަށް ކާމިޔާބު ކޮށްދިނީ މިޑްފިލްޑަރ ޓޮޝީކީ އޮކަމޯޓޯއެވެ. އޭނާ މި ލަނޑު ކާމިޔާބުކުރީ ދަ ގްރާނޑޭގެ ދެ ޑިފެންޑަރުން ކައިރިން ނައްޓާލުމަށްފަހުގައެވެ. މެޗުގެ ކުރީ ކޮޅު ނިލަންދޫއިން ލީޑު ނެގިނަމަވެސް ދަ ގްރާންޑޭއިން ވަނީ އެޓީމުގެ ކުޅުން ރަނގަޅުކޮށް ނިލަންދޫގެ ގޯލަށް ނުރައްކާ ކޮށްފައެވެ. އެގޮތުން މެޗުގެ 19 ވަނަ މިނެޓުގައި އެޓީމުގެ ޔަސްފާދު ހަބީބް (މުލަކޭ) އަށް ވަނީ ނަތީޖާ ހަމަހަމަ ކުރުމަށް ރަނުގެ ފުރުސަތެއްލިބި ބޭކާރުވެފައެވެ. އޭނާ ފޮނުވާލި ބޯޅަ ދިޔައީ ގޯލާ އަމާޒުނުވެ ބޭރަށެވެ. އޭގެ ފަހުން އަޔާޒް ތަނަވަސްކޮށްދިން ފުރުސަތެއްގައި އޮބައިދާ ފޮނުވާލި ނުރައްކާތެރި ހަމަލާ ނިލަންދޫގެ ކީޕަރު ވަނީ ހުށިޔާރު ކަމާއިއެކު ދިފާއުކޮށްފައެވެ.

ދެވަނަ ހާފު ފަށައިގެން ދަ ގްރާންޑޭއިން މޮޅު ކުޅުމެއް ދެއްކިއިރު މެޗުގެ 64 ވަނަ މިނެޓުގައި އެޓީމުން ވަނީ ރަނގަޅު ހަމަލާއެއް އުފައްދައިފައެވެ. މެޗުގެ 69 ވަނަ މިނެޓުގައި ދަ ގްރާންޑޭއިން ވަނީ ލަނޑު ޖަހައި ލީޑު ނަގައިފައެވެ. މި ލަނޑު އެޓީމަށް ކާމިޔާބު ކޮށްދިނީ އަޔާޒްއެވެ.

މި މެޗުން ލިބުނު ޕޮއިންޓާއެކު ދަ ގްރާންޑޭ އޮތީ ތާވަލުގެ ފަސްވަނައިގައި 16 މެޗުން ލިބުނު 21 ޕޮއިންޓާއެކުގައެވެ. ނިލަންދޫއަށް 16 މެޗުން ލިބުފައިވަނީ 14 ޕޮއިންޓެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް