އާ އަހަރާއި ދިމާކޮށް މާލެ ސިޓީގަ 63 މީހަކު ބަލައި ފާސްކޮށްފި
މި އޮޕަރޭޝަންގައި ޖުމްލަ 946 އުޅަނދު ޗެކްކުރެވިފައިވޭ
މާލޭ ސިޓީގައި ޓްރެފިކް ޕޮލިހުން ހަރަކާތްތެރިވަނީ
އާ އަހަރައި ދިމާކޮށް ފުލުހުން މާލެ ސިޓީގައި ހިންގި އޮޕަރޭޝަންގައި 63 މީހަކު ބަލައި ފާސްކޮށްފައިވާ ކަމަށް ފުލުހުން ބުނެފިއެވެ.
ފުލުހުން ބުނީ މިދިޔަ ޑިސެންބަރު މަހުގެ 31 ގެ ހަވީރު 3:00 އިން ފެށިގެން ޖެނުއަރީ 1 ވަނަ ދުވަހުގެ 8:00 އަށް ބަލައި ފާސްކުރި މީހުންގެ ތެރެއިން 19 މީހުންގެ ކުށުގެ ރެކޯޑު ނެތް ކަމަށާއި ބަލައި ފާސްކުރި މީހުންގެ ތެރެއިން 44 މީހުންނަކީ ކުށުގެ ރެކޯޑު އޮތްމީހުން ކަމަށެވެ.
ހުއްޓުވާ ސުވާލުކޮށް ފޮނުވާލި މީހުން ގެ ތެރެއިން 167 މީހުންނަކީ ރެކޯޑް ނެތް މީހުން ކަމަށާއި ހުއްޓުވާ ސުވާލުކޮށް ފޮނުވާލި މީހުންގެ ތެރެއިން 350 މީހުންނަކީ ކުށުގެ ރެކޯޑު އޮތް މީހުން ކަމަށް ފުލުހުން މަޢުލޫމާތު ދެއެވެ.
މީގެ އިތުރުން ސެކްޝަންތަކަށް ޙަވާލުކުރި މީހުންގެ ތެރެއިން 18 އަހަރުން މަތީގެ 15 މީހުން ތިބިއިރު ސެކްޝަންތަކަށް ޙަވާލުކުރެވުނު މީހުންގެ ތެރެއިން 4 މީހުންނަކީ 18 އަހަރުން ދަށުގެ މީހުންކަމަށް ފުލުހުން މަޢުލޫމާތު ދެއެވެ.
ފުލުހުން ހިންގި މި އޮޕަރޭޝަނުގައި ޖުމުލަ 946 އުޅަނދު ޗެކްކޮށްފައިވާއިރު، ޤާނޫނާއި ޤަވާއިދާއި ޚިލާފުވި 177 މީހުން ހިމެނޭ ކަމަށް ފުލުހުން މަޢުލޫމާތު ދެއެވެ.
