މާދަމާ ސަރުކާރު ބަންދުވިޔަސް ޓިކެޓް އޮފީސް ހުޅުވާނެ: މޯލްޑިވިއަން
6 ފެބުރުއަރީ 2019 | ބުދަ 12:41އޮފީސް ހުޅުވިފައި ހުންނާނީ ހެނދުނު 9:00 އިން ފެށިގެން 14:00 އަށް
ރިޒްނާ ޒަރީރު | 6 ފެބުރުއަރީ 2019 | ބުދަ 12:41
މޯލްޑިވިއަންގެ ފްލައިޓް
ފެބްރުއަރީ 7 އަކީ ސަރުކާރު ބަންދު ދުވަހެއްގެ ގޮތުގައި ކަނޑައެޅި ނަމަވެސް މޯލްޑިއަންގެ އޮފީސް ހުޅުވިފައި ހުންނާނެ ކަމަށް އެކުންފުނިން ބުނެފިއެވެ.
މޯލްޑިއަނުން ބުނީ ޓިކެޓް އޮފީސް ހުޅުވިފައި ހުންނާނީ ހެނދުނު 9:00 ން ފެށިގެން 14:00 ށް ކަމަށެވެ.
މޯލްޑިއަންގެ ޓިކެޓް އޮފީސް ބަންދު ވަގުތުގައިވެސް އޮންލައިންކޮށް އަބަދުވެސް ޓިކެޓް ނެގޭނެއެވެ.
މިއީ ވަގުތު ސަލާމަތްކުރުމަށްވެސް ފަސޭހަ ގޮތަކަށްވާއިރު ޖެނުއަރީ 10 ވަނަ ދުވަހުން ފެށިގެން އެކުންފުނީގެ އެތެރޭގެ އުދުހުންތަކުގެ އަގު ވަނީ އަގުހެޔޮކޮށްފައެވެ. މިއީ ސަރުކާރުގެ ސަތޭކަ ދުވަހުގެ ވައުދުގެ ތެރޭގައި ހިމެނޭ ކަމެކެވެ.
