މޯލްޑިވިއަނުން 50 ފަސެންޖަރަކަށް ޢީދު ހަދިޔާ ދީފި
އީދު ހަދިޔާ ދީފައިވަނީ ދަތުރު މަތީގައި
މޯލްޑިވިއަންގެ ފްލައިޓެއް
ފިތުރު އީދު ދުވަހާއި ދިމާކޮށް ދިވެހި ޤައުމީ އެއާލައިން، މޯލްޑިވިއަންއިން އެ އެއާލައިންގެ 50 ފަސެންޖަރަކަށް އީދު ހަދިޔާދީފިއެވެ.
އީދު ހަދިޔާއެއްގެ ގޮތުން އެ އެއާލައިނުން ދީފައިވަނީ ރާއްޖޭގެ ކޮންމެ މަންޒިލަކަށް ވެސް ދަތުރުކުރެވޭގޮތަށް ދެކޮޅު ޓިކެޓެވެ. މި އީދު ހަދިޔާ ދީފައިވަނީ ދަތުރު މަތީގައެވެ.
އީދު ހަދިޔާ ދީފައިވަނީ ޖޫން 25 ވަނަ ދުވަހު އެ އެއާލައިނުން ރާއްޖޭގެ ރަށްތަކަށް ދަތުރުކުރި މީހުންގެ މެދުގައި ގުރުއަތުލައިގެން ހޮވުނު 50 ފަރާތަކަށެވެ.
ކުރިއަށް އޮތް 4 މަސްދުވަހުގެތެރޭ މޯލްޑިވިއަންގެ ސީޕްލޭން ދަތުރުތައް މީހުން ދިރިއުޅޭ އެކި ރަށްރަށަށް ފެށުމަށް މަސައްކަތްކުރަމުންދާ ކަމަށް މޯލްޑިވިއަންއިން ވަނީ ބުނެފައެވެ. އަދި ވަކި ޝެޑިއުލްއެއްގެ ދަށުން އާންމު ރައްޔިތުންނަށް ހިދުމަތް ދޭން ފެށުމަށްޓަކައި ވަރަށް ގިނަގުނަ މަސައްކަތްތަކެއް ކުރަމުންދާ ކަމަށްވެސް މޯލްޑިވިއަނުން ވަނީ ބުނެފައެވެ.
މީގެ އިތުރުން ހެޔޮ އަގެއްގައި ސީ ޕްލޭންގެ ދަތުރުތައް އާއްމު ރައްޔިތުންނަށް ދިނުމަށްޓަކައި އެކަމާގުޅޭ އެކި ދިރާސާތައްވެސް ކުރަމުން އަންނަކަމަށް އެކުންފުނިން ބުންޏެވެ.
