ކ. މާލެ
|
21 ޑިސެންބަރ 2019 | ހޮނިހިރު 09:29
ޓީސީ އަދި ގްރާންޑޭ ބައްދަލުކުރި މެޗުގެ ތެރެއިން
ޓީސީ އަދި ގްރާންޑޭ ބައްދަލުކުރި މެޗުގެ ތެރެއިން
މިހާރު
ދިރާގު ދިވެހި ލީގު
ފަހަތުން އަރައި ޓީސީ އިން ދަ ގްރާންޑޭ ބަލިކޮށްފި
 
މި މެޗު ޓީސީ އިން ކާމިޔާބުކުރީ 3-2 ގެ ނަތީޖާ އަކުން

ދިރާގު ދިވެހި ޕްރިމިއަރ ލީގުގައި ފަހަތުން އަރައި ޓީސީ ސްޕޯޓްސް ކްލަބުން ދަ ގްރާންޑޭ ސްޕޯޓްސް ކްލަބް ބަލިކޮށްފިއެވެ.

ހުކުރު ދުވަހު ހަވީރު ގަލޮޅު ރަސްމީ ބޯޅަ ދަނޑުގައި ކުޅުނު މި މެޗު ޓީސީން ކާމިޔާބުކުރީ 3-2 ގެ ނަތީޖާ އަކުންނެވެ.

މި މެޗު ފަށައިގެން ދަ ގްރާންޑޭ އިން ވަނީ މޮޅު އެޓޭކިންގ ގޭމެއް ކުޅެފައެވެ. އެގޮތުން ދަ ގްރާންޑޭ އިން ވަނީ ޓީސީގެ ގޯލަށް ގިނަ ހަމަލާ ތަކެއް ފޮނުވައިލައިފައެވެ. މެޗުގައި ދަ ގްރާންޑޭ އިން ކާމިޔާބުކުރި ފުރަތަމަ ލަނޑު މެޗުގެ 30 ވަނަ މިނެޓުގައި އެޓީމަށް ކާމިޔާބު ކޮށްދިނީ އެޓީމުގެ ބިދޭސީ ކުޅުންތެރިޔާ އޮބައިމާ އެވެ. މި ލަނޑަށްފަހު ވެސް ގްރާންޑޭ އިން ވަނީ ގިނަ ހަމަލާތަކެއް ޓީސީގެ ގޯލަށް ފޮނުވައިލައިފައެވެ. އެގޮތުން މެޗުގެ 38 ވަނަ މިނެޓުގައި ގްރާންޑޭ އިން ވަނީ އިތުރު ލަނޑެއް ޖަހާ ލީޑު ފުޅާ ކޮށްފައެވެ. މި ލަނޑު ވެސް އެޓީމަށް ކާމިޔާބުކޮށްދިނީ އޮބައިމާއެވެ.

މެޗުގެ ފުރަތަމަ ހާފު ނިމިގެންދިޔައީ 2-0 ގެ ނަތީޖާ އަކުން ދަ ގްރާންޑޭ ކުރީގައި އޮވެގެންނެވެ.

މެޗުގެ ދެ ވަނަ ހާފު ފަށައިގެން ޓީސީ އިން ވަނީ އެޓީމުގެ ކުޅުން ރަނގަޅު ކޮށްފައެވެ. އެގޮތުން ޓީސީ އިން ވަނީ މި ހާފުގައި ގްރާންޑޭ އިން ފޮނުވާލި ހަމަލާތައް ދިފާއުކޮށް އެ ޓީމުގެ އެޓޭކްތައް ވަރުގަދަ ކޮށްފައެވެ. މި ހާފުގައި ޓީސީ އިން ވަނީ ކައިރި ކައިރީގައި ތިން ލަނޑު ޖަހައިފައެވެ. އެގޮތުން ޓީސީގެ ފުރަތަމަ ލަނޑު މެޗުގެ 63 ވަނަ މިނެޓުގައި އެޓީމަށް ކާމިޔާބު ކޮށްދިނީ އިސްމާއީލް އީސަ (މެސީ) އެވެ. އޭނާގެ ދެވަނަ ލަނޑު މެޗުގެ 67 ވަނަ މިނެޓުގައި އޭނާ ކާމިޔާބުކުރި އިރު ޓީސީގެ ތިން ވަނަ ލަނޑު މެޗުގެ 70 ވަނަ މިނެޓުގައި އެޓީމަށް ކާމިޔާބު ކޮށްދިނީ އިޝާން އިބްރާހީމް (ސައްޓު) އެވެ.

މި މެޗުގެ އެންމެ މޮޅު ކުޅުންތެރިޔާ އަކީ ވެސް ސައްޓުއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
100%
0%
0%
0%
0%
ކޮމެންޓް