މަޑުއްވަރިން ހައްޔަރުކުރި 3 މީހުންގެ ބަންދަށް 10 ދުވަސް ޖަހައިފި
19 ޑިސެމްބަރު 2019 | ބުރާސްފަތި 11:11ފުލުހުން ހައްޔަރުކުރީ 29 އަހަރުގެ ދިވެހި ފިރިހެނަކާއި 34 އަހަރުގެ ފިރިހެނަކާއި 30 އަހަރުގެ ފިރިހެނެއް
ފުލުހުން ކުރިއަށްގެންދަ އޮޕަރޭޝަނެއްގެ ތެރެއިން
ދީނީ ގޮތުން ހަރުކަށި ފިކުރު ގެންގުޅޭ މީހުން ހޯދުމަށް ފުލުހުންނާއި ޤައުމީ ދިފާޢީ ބާރާއި ގުޅިގެން ހިންގަމުންދާ އޮޕަރޭޝަންގައި ހައްޔަރުކުރި 3 މީހުންގެ ބަންދަށް 10 ދުވަސް ޖަހައިފި އެވެ.
ފުލުހުން ބުނީ އެ ތިން މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ހޯމް މިނިސްޓްރީން ކަނޑައަޅާ ތަނެއްގައި ބަންދުގައި ބެހެއްޓުމަށް 10 ދުވަހުގެ ބަންދުގެ މުއްދަތު ޖަހައިދީފައިވާކަމަށެވެ. ނަމަވެސް އެ 3 މީހުންގެ ބަންދުގެ މުއްދަތުޖަހައިދިން ކޯޓު ހާމަކުރެވެން ނެތްކަމަށް ފުލުހުންގެ މީޑިއާ އޮފިޝަލް ވިދާޅުވި އެވެ.
ފުލުހުން އިއްޔެ ހައްޔަރު ކުރީ 29 އަހަރުގެ ދިވެހި ފިރިހެނަކާއި 34 އަހަރުގެ ފިރިހެނަކާއި 30 އަހަރުގެ ފިރިހެނެކެވެ.
