އާދީއްތަ 27 ސެޕްޓެންބަރ 2020
07 އަތަ
1442 ސަފަރު 09
ފަތިސް 04:42
އިރުއަރާ 05:53
މެންދުރު 12:01
އަސްރު 15:08
އިރުއޮއްސޭ 18:02
އިޝާ 19:13
ޝަކުންތަލަ ދޭވީ

ވިދްޔާގެ ''ޝަކުންތަލަ ދޭވީ'' ރިލީޒް ކުރަނީ އަންނަ އަހަރުގެ މޭމަހު

  • ޕޯސްޓަރު ރިލީޒްކުރީ ސެޕްޓެމްބަރު މަހު

ކ. މާލެ | 15 ޑިސެންބަރ 2019 | އާދީއްތަ 12:46 | 2,281

ވިދްޔާ ބާލަން - ޓައިމްސް އޮފް އިންޑިއާ

އިންޑިއާގެ، ހިސާބަށް މޮޅު މީހެއް ކަމަށްވާ ޝަކުންތަލަ ދޭވީގެ ހަޔާތުގެ މައްޗަަށް ބިނާކޮށްފައިވާ ''ޝަކުންތަލަ ދޭވީ'' އަންނަ އަހަރުގެ މޭމަހުގެ އަށްވަނަ ދުވަހު ރިލީޒްކުރާ ގޮތަށް ހަމަޖެހިއްޖެ އެވެ.

ފިލްމު ރިލީޒްކުރާ ތާރީހު، ފިލްމުގެ ބަތަލާ ވިދްޔާ ބާލަން ޓްވިޓަރ މެދުވެރިކޮށް އިއުލާންކުރީ ތަފާތު ގޮތަކަށެވެ.

ވިދްޔާގެ އޮފިޝަލް ޓްވިޓަރ އެކައުންޓުން ޕޯސްޓުކޮށްފައިވާ ވީޑިއޯއެއްގައި އޭނާ ބުނީ، ފިލްމު ރިލީޒްކުރާނެ ތާރިހަކީ ވީޑިއޯ ޕޯސްޓު ކުރާދުވަހުން ފެށިގެން 148 ދުވަސް ކަމަށެވެ. އެ ދުވަސް އަމިއްލައިން ހޯދުމަށް ކުޑަ ހިސާބެއް ހެދުމަށް ވިދްޔާ އޭނާގެ ފޭނުންނަށް ދޫކޮށްލިއެވެ.

ވީޑިއޯ ޕޯސްޓުކޮށްފައިވަނީ މި މަހުގެ 12 ވީ ބުރާސްފަތި ދުވަހެއެވެ. އެ ތާރިހުން ފެށިގެން ގުނާނަމަ ފިލްމު ރިލީޒްކުރާނީ 2020 ވަނަ އަހަރުގެ މޭމަހުގެ އަށްވަނަ ދުވަހުއެވެ.

އެ ފިލްމުގެ ޕޯސްޓަރު އާއްމުކޮށްފައިވަނީ ސެޕްޓެމްބަރު މަހުއެވެ. ވިދްޔާއާ އެކު އެ ފިލްމުގައި ހަރަކާތްތެރިވާ ތަރިންގެ ތެރޭގައި ދަންގަލް އިން އާއްމުންގެ މަގުބޫލްކަން ހޯދި ސާންޔާ މަލްހޯތްރާ، ޖިއްޝޫ ސެންގުޕްތާ، ކައިޕޯޗޭ އިން ފެނިގެން ދިޔަ އަމިތް ސަދް ހިމެނެއެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.