32 އަމިއްލަފަރުދުންގެ ވިޔަފާރިއެއް އުވާލައިފި
14 ޑިސެމްބަރު 2019 | ހޮނިހިރު 12:0032 ވިޔަފާރިވެސް ބާތިލުކޮށްފައިވަނީ ފާއިތުވި ނޮވެންބަރު މަހު
ރަޖިސްޓްރަރ އޮފް ކޮމްޕްނީސް މަރިޔަމް ވިސާމް
މިނިސްޓްރީ އޮފް އިކޮނޮމިކް ޑިވޮލޮޕްމަންޓުން 32 އަމިއްލަ ފަރުދުންގެ ވިޔަފާރިއެއް އުވާލައިފިއެވެ.
އެކަމާއި ގުޅޭގޮތުން އަންގާރަ ދުވަހު އިކޮނޮމިކް މިނިސްޓްރީން ކުރިއިއުލާނެއްގައި ބުނީ،އަމިއްލަ ފަރުދުންގެ ވިޔަފާރީގެ ޤާނޫނު (ޤާނޫނު ނަންބަރު 19/2014) ގެ ދަށުން މި މިނިސްޓްރީގައި ރަޖިސްޓްރީކޮށްފައިވާ 32 ވިޔަފާރިއެއް ބާޠިލުކޮށްފައިވާ ކަމަށެވެ.
އެގޮތުން މިނިސްޓްރީން އިޢުލާނުކޮށްފައިވާ 32 ވިޔަފާރިވެސް ބާޠިލުކޮށްފައިވަނީ ފާއިތުވި ނޮވެންބަރު މަހުގެ ތެރޭގައެވެ.
2014 ވަނަ އަހަރު ތަސްދީޤު ކުރެވުނު އަމިއްލަފަރުދުންގެ ޤާނޫނަކީ އަމިއްލަ ފަރާތްތަކުން ފިޔަފާރީގެ މައިދާނަށް ނުކުމެ، ވިޔަފާރި ހިންގުމަށް މަގުފަހި ކުރުމަށް ތަސްދީޤު ކުރެވުނު ޤާނޫނެކެވެ. އެގޮތުން ކުންފުނިތަކާއި ޚިލާފަށް އަމިއްލަ ފަރުދުންގެ ވިޔަފާރީގެ ރައުސުލްމާލާއި މިލްކިއްޔާތު ލިބިގެންވަނީ ވިޔަފާރީގެ ވެރިފަރާތަށް އެކަންޏެވެ.
މިނިސްޓްރީން 32 ވިޔަފާރިއެއް ބާޠިލު ކޮށްފައިވާއިރު، ވިޔަފާރި ނުހިންގާ "އިންއެކްޓިވް" ވިޔަފާރިތައް ބާޠިލު ކުރުމުގެ ބާރު ރަޖިސްޓްރަރ އޮފް ކޮމްޕެނީސްއަށް ލިބިގެންވެއެވެ. އޭގޭ އިތުރުން ވިޔަފާރީގެ ވެރި ފަރާތަށްވެސް މިނިސްޓްރީއަށް ހުށައަޅައިގެން ވިޔަފާރި ބާޠިލު ކުރުމުގެ އިޚުތިޔާރު އޮވެއެވެ.
