މެނީލާ އެއަރޕޯޓުގައި މަރުވެފަ އޮތް ކުޑަކުއްޖެއް ފެނިއްޖެ
ކުއްޖާ ފެނުނުއިރުވެސް އޮތީ މަރުވެފައި
އުމްނާ އިސްމާއިލް, ރާއްޖެ އެމްވީ | 9 ޑިސެމްބަރު 2019 | ހޯމަ 02:34
ކުއްޖާ ފެނުނުއިރުވެސް އޮތީ މަރުވެފައި
މެނީލާ އިންޓަރނޭޝަލް އެއަރޕޯޓުގައި މަރުވެފައި އޮތް ކުޑަކުއްޖެއް ފެނިއްޖެއެވެ.
އެ އެއަރޕޯޓު އޮތޯރިޓީއާއި ޙަވާލާދީ ނޫސްތަކުގައި ރިޕޯޓު ކޮށްފައިވަނީ މަރުވެފައި އޮއްވާ ފެނިފައިވަނީ އަންހެންކުއްޖެއް ކަމަށެވެ.
އެ ކުއްޖާ ފެނުނުއިރު އޮތީ ކަރުގައި ޖަނގިޔަލެއް އޮޅާފައި ކަމަށާއި އެ އެއަރޕޯޓުގެ މެޑިކަލް ޓީމެއް ވަގުތުން އެ ކުއްޖާއަށް ފަރުވާ ދިނުމަށް އަވަސްވެ ގަތް ކަމަށް ވެސް ރިޕޯޓުކޮށްފައިވެއެވެ. ނަމަވެސް އޭރު އެ ކުއްޖާ އޮތީ މަރުވެފައި ކަމަށް ވެސް ރިޕޯޓު ކޮށްފައިވެއެވެ.
މި މައްސަލަ މެނިލާގެ ފުލުހުން މިހާރު ތަހުޤީޤު ކުރަމުންދާއިރު އެ އެއަރޕޯޓުގެ ސީސީޓީވީ ފުޓޭޖްތައް ހޯދުމުގެ މަސައްކަތް މިހާރުވަނީ ފަށާފައެވެ.
