ބޮލީވުޑް ފިލްމެއްގައި މަސައްކަތް ކުރަން ފުރުސަތު ލިބިއްޖެނަމަ އެ ފުރުސަތު ދޫކޮށްނުލާނެ ކަމަށް ބުނެ، ބޮލީވުޑް ފިލްމަކުގެ ފެނުމުގެ އިޝާރާތެއް ހޮލީވުޑްގެ މަޝްހޫރު ތަރި ޑްވޭން ޖޮންސަން (ދަރޮކް) ދީފިއެވެ.

ރޮކް ބުނީ ބޮލީވުޑް ފިލްމެއްގައި މަސައްކަތް ކުރުން ވެގެންދާނީ މަޖާ ކަމެއްގެ ގޮތުގައި ކަމަށެވެ.

''ޖުމަންޖީ: ދަ ނެކްސްޓް ލެވެލް'' ޕްރޮމޯޝަން ހަފްލާގައި އިންޑިއާގެ ނޫހަކުން ކުރި ސުވާލަކަށް ޖަވާބު ދެމުން ރޮކް ބުނީ، ބޮލީވުޑް ފިލްމަކުން އަވަސް މުސްތަގުބަލެއްގައި ފެނިގެން ނުދާނެއެކޭ ނުބުނާނެ ކަމަށެވެ. އަދި ބޮލީވުޑާއި އެ ފިލްމު އިންޑަސްޓްރީގެ ތާރީހަށް އޭނާ ވަރަށް އިހްތިރާމް ކުރާ ކަމަށް ރޮކް ބުންޏެވެ. އެކަމަކު އޭނާ ފެނިގެންދާނީ ކޮން ފިލްމަކުން ކަމެއް ނުބުނެއެވެ.

ރޮކްއާއި އެކު މަސައްކަތް ކޮށްފައިވާ ހަމައެކަނި ބޮލީވުޑް ތަރި އަކީ ޕްރިޔަންކާ ޗޯޕްރާއެވެ. އެއީ ''ބޭވޮޗް'' ފިލްމުގައެވެ. ބޮލީވުޑް ތަރި ވަރުން ދަވަން އަކީ ރޮކްގެ ވަރަށް ބޮޑު ފޭނެކެވެ. ރެސްލިކް ތެޅުމުން އާއްމުންގެ މަގޫބޫލުކަން ހޯދައިގެން އިނގިރޭސި ފިލްމު ކުޅެން ފެށި ރޮކް ކުޅެފައިވާ ކާމިޔާބު ފިލްމު ތަކުގެ ތެރޭގައި، ދަ މަމީ ރިޓާންސް، ޖާނީ 2'' ސްނިޗްގެ އިތުރުނބް ފާސްޓް އެންޑް ފިޔުރިޔަސް ހިމެނޭއެވެ.