އިހި ނަގަން ފޭބި ދެމީހުންވެސް ފެނިއްޖެ، ހާލު ރަނގަޅު: އެމްއެންޑީއެފް
2 މީހުންވެސް ވަނީ ފެނިފައި
އެމްއެންޑީއެފް ކޯސްޓްގާޑް
ހދ. ވައިކަރަމުރައިދޫގެ ދެކުނު ފަރާތަށް އިހި ނަގަން ފައިބައި އުޅުން ދެމީހުންވެސް ފެނިއްޖެކަމަށް އެމްއެންޑީއެފުން ބުނެފިއެވެ.
މީޑިއާއަށް މަޢުލޫމާތު ދެމުން އެމްއެންޑީއެފުން ބުނެފައިވަނީ، ވައިކަރަދޫގެ ދެކުނު ފަރާތު ފަޅުތެރެއަށް ފުޅި އަޅައިގެން އިހި ނަގަން ފޭބި 2 ދިވެހިންގެ ޚަބަރެއް ނުވެގެން އެމްއެންޑީއެފުގެ ނޮދަރން އޭރިއާ ކޯސްޓްގާޑުގެ ޑައިވަރުން 13:46 ކުން ފަށައިގެން ޙަރަކާތްތެރިވި ކަމަށާއި، އެ ދެ މީހުންވެސް ފެނިފައިވަނީ ފަރުމަތީގައި ތިއްބާކަމަށެވެ. 2 މީހުންގެ ޙާލުވެސް ރަނގަޅުކަމަށާއި ދެމީހުން ފެނިފައިވަނީ ޑައިވިންގް އަށް ދިޔަ ދޯނިންކުރި މަސައްކަތުންކަމަށް އެމްއެންޑީއެފުން ބުންޏެވެ.
އެމްއެންޑީއެފަށް މި ޙާދިސާ ރިޕޯޓުކޮށްފައިވަނީ ހޮނިހިރު ދުވަހުގެ މެންދުރު 11:45 ކުން ފެށިގެން އެ ދެ މީހުންގެ ޚަބަރެއް ނުވެގެންނެވެ.
