ދީމާ އަދި ރަފާ ސިންގަލްސްގެ ކުއާޓާ ފައިނަލަށް!

ނޭޕާލުގައި މިހާރު ކުރިޔަށްދާ 13 ވަނަ ސައުތު އޭޝިއަން ގޭމްސްގެ ޓޭބަލް ޓެނިސް އަންހެން ސިންގަލްސްގެ ކުއާޓަރ ފައިނަލުން ދީމާ އަދި ރަފާ ޖާގަ ހޯދައިފިއެވެ.

ދީމާ މި މުބާރާތުގެ ކުއާޓަރ ފައިނަލަށް ދަތުރުކުރީ ގްރޫޕް ސްޓޭޖުގައި އޭނާ ކުޅުނު ދެ މެޗުގެ ތެރެއިން އެއް މެޗުން މޮޅުވެގެންނެވެ.

ބުރާސްފަތި ދުވަހު ހެނދުނު ދީމާ ކުޅުނު ފުރަތަމަ މެޗުން ސްރީލަންކާގެ އިޝާރާ އަތުން ދީމާ ވަނީ ބަލިވެފައެވެ. މި މެޗުން ދީމާ ބަލިވީ ތިން ސެޓު އެއް ސެޓުންނެވެ. ވާދަވެރި ކުޅުމަކަށްފަހު މެޗުގެ ފުރަތަމަ ސެޓު ދީމާ ކާމިޔާބު ކޮށްފައިވަނީ 11-13 އިންނެވެ. ނަމަވެސް ޖެހިގެން އައި ތިން ސެޓު އިޝާރާ ވަނީ ކާމިޔާބު ކޮށްފައެވެ. މި މެޗުގެ ސެޓުތައް އިޝާރާ ކާމިޔާބުކުރީ، 11-8، 11-4 އަދި 11-2 އިންނެވެ.

ދީމާގެ ދެވަނަ މެޗުގައި މުބާރާތް ބާއްވާ ގައުމު ނޭޕާލުގެ ކުޅުންތެރިޔާ ރަބީނާ މަހަރްޖާން އާއި ވާދަކުރި އިރު، މި މެޗު ދީމާ ވަނީ ތިން ސެޓު އެއް ސެޓުން ކާމިޔާބު ކޮށްފައެވެ. މި މެޗުގެ ފުރަތަމަ ދެ ސެޓު ދީމާ ވަނީ ފަސޭހަ ކަމާއެކު ކާމިޔާބުކޮށްފައެވެ. ނޭޕާލުގެ ކުޅުންތެރިޔާ ރަބީނާ މަހަރްޖާން އާއި ވާދަކުރި އިރު، މި މެޗު ދީމާ ވަނީ ތިން ސެޓުއެކު ކާމިޔާބު ކޮށްފައެވެ. މި ދެ ސެޓު ދީމާ ގެންދިޔައީ 11-7 އަދި 11-9 އިންނެވެ. ނަމަވެސް މެޗުގެ ތިންވަނަ ސެޓުގައި ނޭޕާލުގެ ރަބީނާ ވަނީ ދީމާ ބަލިކޮށް އުންމީދު އާ ކޮށްފައެވެ. މި ސެޓު ރަބީނާ ގެންދިޔައީ 7-11 އިންނެވެ. ނަމަވެސް ޖެހިގެން އައި ސެޓު ކާމިޔާބުކޮށް ދީމާ ވަނީ މުބާރާތުގެ ކުއާޓާ އިން ޖާގަ ހޯދައިފައެވެ. މި ސެޓު ދީމާ ކާމިޔާބުކުރީ 11-7 އިންނެވެ.

މި މުބާރާތުގެ ފައިނަލަށް ރާއްޖޭގެ އައިޝަތު ރަފާ ނާޒިމް ވެސް ދަތުރުކުރީ، އެއް މެޗުން މޮޅުވެ އަނެއް މެޗުން ބަލިވެގެންނެވެ. ރަފާގެ ފުރަތަމަ މެޗުގައި އޭނާ ނިކުތީ ޓީޓީ ގައި ދުނިޔޭގެ ފެންވަރުގައި ފާހަގަ ކޮށްލެވޭ އިންޑިއާގެ ކުޅުންތެރިޔަކާއި ދެކޮޅަށެވެ. މި މެޗުން ރަފާ ބަލިވީ ސީދާ ތިން ސެޓުންނެވެ. މެޗުގެ ސެޓުތައް އިންޑިއާގެ އަޔްކާ ކާމިޔާބުކުރީ 11-4، 11-4 އަދި 11-5 އިންނެވެ.

ރަފާގެ ދެވަނަ މެޗުގައި ބަންގްލަދޭޝްގެ ސަޑިއާ ރަހްމާން ފަސޭހަ ކަމާއެކު އޭނާ ވަނީ ބަލިކޮށްފައެވެ. މި މެޗު ރަފާ ކާމިޔާބުކުރީ ސީދާ ތިން ސެޓުންނެވެ. މި މެޗުގެ ސެޓުތައް ރަފާ ގެންދިޔައީ 11-6، 11-5 އަދި 11-9 އިންނެވެ.

ޓީޓީ އަންހެން ޑަބަލްސް އިވެންޓުން ރަފާ އަދި ދީމާގެ ޕެއަރ އިއްޔެ ކެޓީ ވަރުގަދަ އިންޑިއާ އަތުން ބަލިވެގެންނެވެ. ނަމަވެސް މި މެޗުގައި ރަފާ އަދި ދީމާ ވެސް ވަނީ މޮޅަށް ކުޅެފައެވެ.

އަންހެން ޓީމު އިވެންޓުން ރާއްޖެއަށް ވަނީ ބްރޯންމެޑަލް ހޯދައިފައެވެ.