ބުރާސްފަތި 13 އޯގަސްޓު 2020
03 މާ
1441 ޒުލްޙައްޖު 23
ފަތިސް 04:48
އިރުއަރާ 06:01
މެންދުރު 12:15
އަސްރު 15:30
އިރުއޮއްސޭ 18:21
އިޝާ 19:34
މީހަކު މަރާލުން

ހުޅުމާލޭގައި މީހަކަށް ތޫނުއެއްޗަކުން ހަމަލާދީ މަރާލުމާއި ގުޅިގެން ވެހިކަލްތައް ޗެކްކުރަނީ

  • ވެހިކަލްގެ އިތުރުން މީހުން ވެސް ބަލާ ފާސް ކުރާނެ
  • ތުހުމަތު ކުރެވޭ މީހާ، ހޯދުމަށް ފޮރެންސިކާ ގުޅިގެން ދަނީ މަސައްކަތް ކުރަމުން
  • މަރާލީ 59 އަހަރުގެ ޓެކްސީ ޑްރައިވަރެއް

ކ. މާލެ | 5 ޑިސެންބަރ 2019 | ބުރާސްފަތި 00:40 | 3,916

ހުޅުމާލޭގައި ތޫނުއެއްޗަކުން ހަމަލާދީ މީހާ މަރާލެވުނު ސަރަހައްދުގައި ފުލުހުން ހަރަކާތްތެރިވަނީ - ޓްވިޓަރ

ހުޅުމާލޭގައި މީހަކަށް ތޫނު އެއްޗަކުން ހަމަލާދީ މަރާލާފައިވާތީ އުޅަނދުތައް ބަލާފާސްކުރަން ފަށައިފި އެވެ.

މި ހާދިސާހާ ގުޅިގެން ކޮމިޝަނާ އޮފް ޕޮލިސް މުހައްމަދު ހަމީދު، ކުރެއްވި ޓްވީޓެއްގައި ވިދާޅުވީ އުމުރުން 59 އަހަރުގެ ޓެކްސީ ޑްރައިވަރެއްގެ ގަޔަށް ވަޅި ހަރާ މާރާލާފައިވާ ކަމަށެވެ. އަދި ފުލުހުން ހުޅުލެ އާއި މާލެ އަދި އެއާޕޯޓް ސަރަހައްދުގެ ވެހިކަލްތަކާއި މީހުން ވެސް ބަލައިފާސް ކުރަމުން އަންނަ ކަމަށް ހަމީދު ވިދާޅުވިއެވެ.

މީގެ އިތުރުން ހަމީދު ވިދާޅުވީ މި މަރުގެ މައްސަލަ ސީރިއަސް ކްރައިމް ޑިޕާޓްމަންޓް އޮފް އިންވެސްޓިގޭޝަނުން ތަހުގީގު ކުރިއަށް ގެންދާ ކަމަށާއި، ތުހުމަތު ކުރެވޭ މީހާ، ހޯދުމަށް ފޮރެންސިކާ ގުޅިގެން މަސައްކަތް ކުރަމުން އަންނަ ކަމަށެވެ.

މި ހާދިސާއާ ގުޅޭ އެއްވެސް މައުލޫމާތެއް އާންމުންގެ ފަރާތަކަށް އެނގޭނަމަ ހިއްސާކޮށްދިނުމަށް ހަމީދު ވަނީ އިލްތިމާސްކޮށްފައެވެ.

ފުލުހުން ބުނީ މީހަކު ވެއްޓިފައި އޮތް ކަމުގެ ރިޕޯޓެއް ބުދަ ދުވަހުގެރޭ 9:07 ހާއިރު ފުލުހުންނަށް ލިބިގެން އެތަނަށް ދިޔައިރު އެމީހާ އެމްބިއުލާންސްގައި ހުޅުމާލެ ހޮސްޕިޓަލަށް ގެންގޮސްފައިވާ ކަމަށެވެ. އަދި އެމީހާ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުނެއެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.