ފަހުގެ ފޯނުތައް އިންސްޓޯލްމަންޓްއަށް ލިބޭގޮތަށް އުރީދޫ "އެކު" ޕޯސްޓްޕެއިޑް ޕެކޭޖުތަކެއް ތައާރަފްކޮށްފި
4 ޑިސެމްބަރު 2019 | ބުދަ 07:05ކަސްޓަމަރުންނަށް ޑޭޓާ އެލަވަންސް އިތުރުވާނެ
އުރީދޫ \"އެކު\"
އެންމެ ފަހުގެ ފޯނުތައް އިންސްޓޯލްމަންޓް ޕްލޭން މެދުވެރިކޮށް ލިބޭގޮތަށް އުރީދޫއިން "އެކު" ނަމުގައި ޕޯސްޓްޕެއިޑް ޕެކޭޖުތަކެއް ތައާރަފްކޮށްފިއެވެ.
އެކަމާ ގުޅޭގޮތުން އުރީދޫއިން ބުނީ، އުރީދޫ އިން އަލަށް ތައާރަފްކޮށްފައިވާ "އެކު" ޕޯސްޓްޕެއިޑް ޕްލޭންތަކާއި އެކު، ކަސްޓަމަރުންނަށް ޑޭޓާ އެލަވަންސް އިތުރުވެ، އެންމެ ފަހުގެ މޮބައިލް ފޯންތައް އިންސްޓޯލްމަންޓް ޕްލޭންތަކުގެ ދަށުން ގަތުމުގެ ފުރުސަތު ލިބުމުގެ އިތުރުންވެސް ގިނަ ފަސޭހަތަކެއް ލިބިގެންދާ ކަމަށެވެ.
އޭގެއިތުރުން، "އެކު" ޕޯސްޓްޕެއިޑް 1000 ޕްލޭން އާއި އެއިން މަތީގެ ޕްލޭންތައް އިޚްތިޔާރުކުރާ ކަސްޓަމަރުންނަށް ކްލަބް ޕްރިމިއަރގެ ފައިދާތައްވެސް ލިބިގެންދާއިރު، ކްލަބް ޕްރިމިއަރ މެދުވެރިކޮށް ރާއްޖެ އާއި ރާއްޖޭން ބޭރުގެ ޕާޓްނަރުން ދޭ ހާއްސަ ޑިސްކައުންޓްތައް ލިބިގެންދާނެއެވެ. އަދި ކްލަބް ޕްރެމިއަރ ކަސްޓަމަރުންނަށް ހިލޭ ފޯރުކޮށްދެވޭ ލައިފް އިންޝުއަރެންސް ލިބުމުގެ އިތުރުން، ދުނިޔޭގެ އެކިކަންކޮޅުތަކުން 1300 އަށްވުރެ ގިނަ އެއަރޕޯޓް ތަކުގައިވާ ލައުންޖްތަކުން ޚިދުމަތް ހޯދުމަށް ބޭނުންކުރެވޭ "ޕްރަޔޮރިޓީ ޕާސް" ލިބިގެންދާނެ ކަމަށް އުރީދޫއިން ބުނެއެވެ.
