ކ. މާލެ
|
4 ޑިސެންބަރ 2019 | ބުދަ 09:22
ރަފާ
ރަފާ
މޯލްޑިވްސް އޮލިމްޕިކް ކޮމިޓީ
ސައުތް އޭޝިއަން ގޭމްސް
ދީމާ އަދި ރަފާގެ ޕެއާ ކުއާޓާ ފައިނަލަށް
 
މި މެޗު ރަފާ އަދި ދީމާގެ ޕެއާއިން ކާމިޔާބުކުރީ ހަތަރު ސެޓު ތިން ސެޓުން

ނޭޕާލުގައި މިހާރު ކުރިޔަށްދާ 13 ވަނަ ސައުތް އޭޝިއަން ގޭމްސްގެ ޓޭބަލް ޓެނިސް އަންހެން ޑަބަލްސް އިވެންޓުން ފާތިމަތު ދީމާ އަލީ އަދި އައިޝަތު ރަފާ ނާޒިމްގެ ޕެއާ ކުއާޓާ ފައިނަލަށް ދަތުރު ކޮށްފިއެވެ.

ރަފާ އަދި ދީމާގެ ޕެއާ ކުއާޓާ އަށް ދަތުރުކުރީ ހަތަރު ސެޓު ތިން ސެޓުން ލަންކާގެ އެރެންދީ އަދި ޗިޓީގެ ޕެއާ ބަލި ކުރުމަށް ފަހުގައެވެ.

މެޗުގެ ފުރަތަމަ ސެޓު ފަސޭހަ ކަމާއި އެކު ރަފާ އަދި ދީމާގެ ޕެއާއިން ވަނީ ކާމިޔާބު ކޮށްފައެވެ. މި ސެޓު ރަފާ އަދި ދީމާގެ ޕެއާއިން ކާމިޔާބުކުރީ، 11-8 އިންނެވެ. ނަމަވެސް މެޗުގެ ދެވަނަ ސެޓު ލަންކާގެ ޕެއާ ކަމުގައިވާ އެރެންދީ އަދި ޗިޓީގެ ޕެއާއިން ވަނީ ކާމިޔާބު ކޮށްފައެވެ. މި ސެޓު ލަންކާގެ ޕެއާއިން ކާމިޔާބުކުރީ، 8-11 އިންނެވެ.

ވާދަވެރި ކުޅުމެއް ފެނިގެންދިޔަ މެޗުގެ ތިންވަނަ ސެޓު ރަފާ އަދި ދީމާގެ ޕެއާއިން ވަނީ މޮޅަށް ކުޅެ ކާމިޔާބު ކޮށްފައެވެ. މި ސެޓު ރަފާ އަދި ދީމާގެ ޕެއާއިން ކާމިޔާބުކުރީ، 11-9 އިންނެވެ.

މެޗުގެ ހަތަރުވަނަ ސެޓު ލަންކާގެ އެރެންދީ އަދި ޗިޓީގެ ޕެއާއިން ވަނީ ފަސޭހަ ކަމާއި އެކު ކާމިޔާބުކޮށްފައެވެ. މި ސެޓު ލަންކާގެ ޕެއާއިން ކާމިޔާބުކުރީ، 7-11 އިންނެވެ. މި ސެޓުގައި ދީމާ އަދި ރަފާގެ ފަރާތުން ފެނިގެންދިޔައީ ދަށް ކުޅުމެކެވެ.

މެޗުގެ ފަސްވަނަ ސެޓު ރަފާ އަދި ދީމާގެ ޕެއާއިން ވަނީ ފަސޭހަ ކަމާއި އެކު ކާމިޔާބު ކޮށްފައެވެ. މި ސެޓު ރާއްޖޭގެ ޕެއާއިން ކާމިޔާބުކުރީ 11-5 އިންނެވެ.

މެޗުގެ އެންމެ ވާދަވެރި ކުޅުމެއް ފެނިގެންދިޔައީ ހަވަނަ ސެޓުގައެވެ. މި ސެޓު ވާދަވެރި ކުޅުމަކަށްފަހު ކާމިޔާބު ކޮށްފައިވަނީ ލަންކާގެ ޕެއާއިންނެވެ. ލަންކާގެ ޕެއާ މި ސެޓު ކާމިޔާބުކުރީ 11-13 އިންނެވެ.

މެޗުގެ އެންމެ ފަހހު ސެޓުގައި ރަފާ އަދި ދީމާގެ ޕެއާގެ ފަރާތުން ތަފާތު މޮޅު ކުޅުމެއް ފެނިގެންދިޔައިރު، މި ސެޓު ރަފާ އަދި ދީމާގެ ޕެއާއިން ކާމިޔާބުކޮށްފައިވަނީ 11-6 އިންނެވެ. އަންހެން ޑަބަލްސް އިވެންޓުގައި ރާއްޖޭގެ ލައިޝާ ފަތުހުﷲ އަދި ޖުމާނާގެ ޕެއާގެ މައްޗަށް ބަންގްލަދޭޝް ގެ ޕެއާއިން ވަނީ ކުރި ހޯދައިފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް