އާދީއްތަ 08 ޑިސެންބަރު 2019
12 ދޮށަ
1441 ރަބީޢުލްއާޚިރު 11
ފަތިސް 04:42
އިރުއަރާ 05:59
މެންދުރު 12:02
އަސްރު 15:22
މަޣްރިބް 17:56
އިޝާ 19:13
ރާއްޖެ - ލަންކާގެ ރިޔާސީ އިންތިހާބު

ގޯޓާބަޔަ ރާޖަޕަކްސައަށް ދިވެހި ދައުލަތުގެ ވެރިން މަރުޙަބާ ވިދާޅުވެއްޖެ

  • ގޯޓާބަޔަ ކާމިޔާބު ކުރެއްވީ ސްރީލަންކާގެ 8 ވަނަ ރިޔާސީ އިންތިޚާބު
  • ގޯޓާބަޔަ އިންތިހާބު ކާމިޔާބު ކުރެއްވީ 52.25 އިންސައްތަ ވޯޓާއެކު
  • ސަޖިތް ޕްރެމަދާސައަށް ލިބުނީ 41.99 އިން ސައްތަ ވޯޓު

ލައިޝާ އަހްމަދު
LailaAhmeds

ކ. މާލެ 17 ނޮވެންބަރު 2019 | އާދީއްތަ 21:25 4,346

ގޯޓާބަޔަ ރާޖަޕަކްސަ - އަލްޖަޒީރާ

ސްރީލަންކާގެ 8 ވަނަ ރިޔާސީ އިންތިޚާބު ކާމިޔާބު ކުރެއްވި ގޯޓާބަޔަ ރާޖަޕަކްސައަށް ދިވެހި ދައުލަތުގެ އިސްވެރިން މަރުޙަބާ ވިދާޅުވެއްޖެއެވެ.

ސްރީލަންކާގައި ހޮނިހިރު ދުވަހު ބޭއްވި ރިޔާސީ އިންތިހާބުގެ ދާއިމީ ނަތީޖާ އިއުލާނު ކުރައްވާފައިވާއިރު، ނަތީޖާ ދައްކާ ގޮތުން 52.25 އިންސައްތަ ވޯޓާއެކު ގޯޓާބަޔަ އިންތިހާބު ކާމިޔާބު ކުރައްވާފައިވާއިރު، އޭނާއާއި އެންމެ ގާތުން ވާދަކުރި ސަޖިތް ޕްރެމަދާސައަށް ލިބިފައިވަނީ 41.99 އިންސައްތަ ވޯޓެވެ.

ގޯޓާބަޔައަށް މަރުހަބާ ވިދާޅުވެ އާދިއްތަ ދުވަހު ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ކުރެއްވި ޓްވީޓެއްގައި ވިދާޅުވީ، ލަންކާގެ އައު ޒައާމަތާއެކުގައި ގުޅިގެން މަސައްކަތް ކުރެއްވުމަށް އުއްމީދުކުރައްވާ ކަމަށެވެ.

ގޯޓާބަޔައަށް ނައިބްރައީސް ފައިސަލް ނަސީމްވެސް މަރުޙަބާ ވިދާޅުވެފައިވާއިރު، އެމަނިކުފާނުގެ ޓްވީޓުގައި ވަނީ ލަންކާގެ ރައްޔިތުންނަށް ކާމިޔާބަށް އެދިވަޑައިގަންނަވާ ކަމަށް ވިދާޅުވެ ދެ ޤައުމުގެ ގުޅުމުގެ ބަދަހިކަމަށް އަލިއަޅުވާލައްވާފައެވެ.

އޭގެ އިތުރުން، ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި، ކުރީގެ ރައީސް މައުމޫނު އަބްދުލް ޤައްޔޫމްވެސް ވަނީ ގޯޓާބަޔައަށް މަރުހަބާ ވިދާޅުވެ ޓްވީޓް ކުރައްވާފައެވެ. އެގޮތުން ރައީސް ނަޝީދުގެ ޓްވީޓުގައި ވިދާޅުވެފައިވަނީ ލަންކާއާއި ރާއްޖެއާ ދެމެދު އޮންނަ ގާތް ގުޅުމަކީ ދެ ޤައުމަށްވެސް ބޭނުންތެރި އެއްޗެއް ކަމަށާއި، ދެ ޤައުމުގެ ލާބައާއި މަންފާއަށްޓަކައި ގުޅިގެން މަސައްކަތް ކުރައްވާނެ ކަމަށެވެ.

ގޯޓާބަޔަ ރާޖަޕަކްޝާއަކީ ސްރީލަންކާ ޕޮޑުޖަނަ ޕެރަމުނަ (އެސްއެލްޕީޕީ)ގެ ކެންޑިޑޭޓެވެ. އެމަނިކުފާނު އިންތިހާބު ކާމިޔާބު ކުރެއްވުމާއި ގުޅިގެން ގިނަ ބަޔަކު ދަނީ އެމަނިކުފާނަށް މަރުހަބާ ކިޔަމުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް