ޖުމްހޫރިއްޔަތެއް ބިނާ ކުރަން ގިނަ ސިޔާސީ ޕާޓީ ހިމެނޭ ސިޔާސީ ނިޒާމު ދަމަހައްޓަންޖެހޭ : ރައީސް ނަޝީދު
މިހެން ވިދާޅުވީ ދިވެހިރާއްޖޭގެ 52 ވަނަ ޖުމްހޫރީ ދުވަހުގެ މުނާސަބަތުގައި ކުރެއްވި ޓްވީޓެއްގަ
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު
ޖުމްހޫރިއްޔަތެއް ބިނާ ކުރަން ގިނަ ސިޔާސީ ޕާޓީ ހިމެނޭ ސިޔާސީ ނިޒާމު ދަމަހައްޓަންޖެހޭކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ދިވެހިރާއްޖޭގެ 52 ވަނަ ޖުމްހޫރީ ދުވަހުގެ މުނާސަބަތުގައި އެމަނިކުފާނު ކުރެއްވި ޓްވީޓެއްގައި ވިދާޅުވެފައިވަނީ، ޖުމްހޫރިއްޔަތެއްގެ އެންމެ މުހިންމު ޢަސާސަކީ ރައްޔިތުންގެ ވެރިކަމެއް ކުރުންކަމުގައެވެ. އަދި، ރާއްޖެ މިހާރު މިދެކޭ ރައްޔިތުންގެ ފަރާތުން ކުރާ ވެރިކަމަކަށް ވެރިކަމުގެ ނިޒާމު ބަދަލުވެގެން ދިޔައީ ގިނަ ޕާޓީ އެކުލެވޭ ސިޔާސީ ނިޒާމަކާއި އެކުގައި ކަމަށެވެ. ޖުމްހޫރިއްޔަތު ބިނާ ކުރަން ގިނަ ސިޔާސީ ޕާޓީއެކުލެވޭ ސިޔާސީ ނިޒާމް ދެމެހެއްޓުމުގެ މުހިންމުކަން ޓްވީޓުގައި އެމަނިކުފާނުވަނީ ފާހަގަކުރައްވާފައެވެ.
ދިވެހިރާއްޖޭގެ ފުރަތަމަ ޖުމްހޫރިއްޔާގެ ރައީސަކީ ސުމުއްވުލްއަމީރު މުޙައްމަދު އަމީން ދޮށިމޭނާ ކިލެގެފާނެއެވެ. ދިވެހިރާއްޖޭގެ ފުރަތަމަ ޖުމްހޫރިއްޔާ އުފެދުނީ 1 ޖެނުއަރީ 1953ގައެވެ. މި ޖުމްހޫރިއްޔާ ދެމިއޮތީ 7 މަހާއި ދުވަސްކޮޅަކުއެވެ. އަނެއްކާވެސް ރަސްކަމަށް ބަދަލުވެ 7 މާޗް 1954ގައި ރަސްކަމަށް އައްސުލްޠާން މުޙަންމަދު ފަރީދުލްއައްވަލް އިސްކުރެވުނެވެ. މުޙަންމަދު ފަރީދުގެ ރަސްކަން 1068ވަނަ އަހަރާ ހަމައަށް ދެމިއޮތުމަށްފަހު ރާއްޖޭގެ ދެވަނަ ޖުމްހޫރިއްޔާ11 ނޮވެމްބަރ 1968 ގައި އުފެދުނެވެ. އެގޮތުން ރައީސަކަށް އިންތިޚާބު ކުރެވުނީ އިބްރާހީމް ނާޞިރެވެ.
