އޮސްޓްރޭލިއާގެ އިރުމަތީ ޖަންގަލީގެ 70 ޞަރަޙައްދެއްގައި އަލިފާން ރޯވެ އަނދަނީ!
އެ އަލިފާންގަނޑު ތަކުގެ ސަބަބުން މިހާތަނަށް 300 މީހަކު މަރުވެފައިވާ ކަމަށް ހަބަރުލިބޭ
އޮސްޓްރޭލިއާގެ ޖަންގައްޔެއްގައި ރޯވެފައިވާ އަލިފާން ގަނޑެއް
އޮސްޓްރޭލިއާގެ އެންމެ އާބާދީ ބޮޑު ސައުތް ވޭލްސް ޖަންގަލީގެ 70 ޞަރަޙަދެއްގައި އަލިފާން ރޯވެ އަނދަމުން އެބަދެއެވެ.
ބައިނަލް އަޤުވާމީ މީޑިއާތަކުން ރިޕޯޓުކުރާ ގޮތުގައި އަލިފާންގަނޑު ތަކުގެ ސަބަބުން މިހާތަނަށް 300 މީހަކު މަރުވެ، ފަސް މީހުން ވަނި ވީނުވީއެއް ނޭނގި ގެއްލިފައެވެ.
އޭގެ އިތުރަށް އޮސްޓްރޭލިއާގެ އިރުމަތީ ޞަރަޙައްދުގެ ޖަންގަލިތަކުގައި ރޯވެ އަނދަމުންދާއިރު އެ ޙާދިސާތަކުގައި 150 ގެއެއް އަނދާ ހުލިވެފައިވާ ކަމަށް ރިޕޯޓްތައް ބުނެއެވެ.
މިފަހަކަށް އައިސް ކޮންމެ އަހަރެއްގެވެސް ހޫނު މޫސުމާ ދިމާކޮށް އޮސްޓްރޭލިއާގެ ޖަންގަލިތަކުގައި އަލިފާން ރޯވުމުގެ މައްސަލަ ކުރިމަތިވަމުންދާއިރު، އޮސްޓްރޭލިއާގެ ރޫރަލް ފަޔަރ ސަރވިސްއިން ބުނީ ނިއު ސައުތް ވޭލްސް ސަރަޙައްދުގެ ޖަންގަލިތަކުގައި ރޯވެފައިވާ އަލިފާންގަނޑުތައް ނިއްވުމަށް ފަޔަރފައިޓަރުން އެމީހުންނަށް ކުރެވެން އޮތްހާ މަސައްކަތެއް ކުރަމުންދާކަމަށެވެ.
އެ އަލިފާންގަނޑު ފެތުރިގެން ދިޔައީ އެ ޞަރަޙައްދަށް އާދަޔާއި ޚިލާފަށް ހޫނުވުމާއި ހަނަފަސްވުމުގެ ސަބަބުން ކަމަށް ބައެއް މީޑިއާތަކުން ރިޕޯޓްކުރެއެވެ.
