އަޅުގަނޑުމެން އަތުގައި އެކައްޗެއް ވެސް ނެތް، އަޅުގަނޑުގެ ޖީބެއްވެސް ނެތް: ގާސިމް
29 އޮކްޓޯބަރު 2019 | އަންގާރަ 19:37ހިތާމައަށް ވެގެން ނުދާނެ ގޮތަކަށް ދިވެހިރާއްޖޭގެ ލޮބުވެތި ރައްޔިތުން ވިސްނާ ވަޑައިގަންނަވާ
ޖޭޕީގެ ލީޑަރު ގާސިމް އިބްރާހިމް
ކުރިން ފެނިވަޑައިގަންނެވި މަންޒަރު ލޯކަލް ކައުންސިލް އިންތިހާބު ފެނިވަޑައިގަންނަވަން ބޭނުން ނުވާ ކަމަށާއި، މިހާރުގެ އަތުގައި އެއްވެސް އެއެއްޗެއް ނެތްކަމަށް މާމިގިލީ ދާއިރާގެ މެންބަރު އަދި ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެއްޖެއެވެ.
ނިމިގެން ދިޔަ މަޖިލިސް އިންތިހާބުގައި މަދު ގޮނޑިތަކެއް ދިފާއުކުރެއްވި ޖޭޕީގެ ލީޑަރު ގާސިމް އިބްރާހިމް މިހެން ވިދާޅުވީ ދިވެހިރާއްޖޭގެ ގައުމީ ދުވަހުގެ މުނާސަބަތުގައި، އެ ޕާޓީން އިސް ނަގައިގެން ބޭއްވި ގައުމީ ވިންދު، ޖޭޕީގެ ވިންދުގެ ނަމުގައި ބޭއްވި ޖަލްސާގައެވެ.
ގާސިމް ވިދާޅުވީ ދިވެހިރައްޔިތުން ވިސްނަންވީ މާދަމާ ގޯސްވެގެންދާނީ ކޮންކަންތައްތަކެއްތޯކަމަށެވެ. އަދި ނޭދޭ ކަންތައްތައް ވެގެންދާއިރު، ކަމެއް ނުވުމުން، އެ ވާހަކަ ދައްކަވަން ނުތިބެ، ހޭލަންޖެހޭކަމަށް ޤާސިމް ވިދާޅުވި އެވެ.
ގާސިމް ވިދާޅުވީ ޑިމޮކްރަޓިކް ހަމަތަކާއި އުސޫލުތައް މިއޮތީ އިންސާނުންގެ އިންސާނިއްޔަތުވަންތަކަމާއި، ގައުމާއި، ދީނާ، އެމީހެއްގެ މިނިވަންކަމާއި އިސްތިގުލާލު ނަގަހައްޓައިދީ ދަމަހައްޓައިދީ، މީހުންގެ ސުލޫކާ އަހުލާގު ހަލާކުކޮށްލަން ނޫން ކަމަށެވެ. އަދި މި ހުރިހާކަމެއް ހުރިހާ ނަމެއްގައި މިހުރީ އިންސާނިއްޔަތުވަންތަކަން އަދި ގައުމިއްޔަތަށް އެބަޔަކު ދިރިއުޅެން ބޭނުންވާ މި އުސޫލުތައް ނަގަހައްޓާ ދަމަހައްޓާ އެބައެއްގެ ދީނާ އުސޫލުތަކުގެ މަތީގައި ރީތިކޮށް އޮމާންކަމާ އަމާންކަމާއެކީގައި ދިރިއުޅުމަށްޓަކައި ކަމަށް ޤާސިމް ވިދާޅުވި އެވެ.
