ލަތީފާއި މުޢަމަލާތްކުރުމަށް އޭވީސީން ބަންގްލަދޭޝް ވޮލީ ބޯޅަ ފެޑަރޭޝަނަށް އަންގައިފި
27 އޮކްޓޯބަރު 2019 | އާދީއްތަ 02:40ދުނިޔޭގެ ވޮލީގެ މައި އިދާރާއިން ވެސް ވޮލީ ނޯމަލައިޒޭޝަން ކޮމެޓީ ބަލައި ނުގަންނަ ކަމަށް ވަނީ ބުނެފަ
ވޮލީ އެސޯސިއޭޝަނުގެ އިންތިހާބީ ރައީސް ލަތީފް (ކ)
ސްޕޯޓްސް ކޮމިޝަނުން އުފައްދައިފައިވާ ވޮލީބޯޅަ އެސޯސިއޭޝަން އޮފް މޯލްޑިވްސް (ވީއޭއެމް)ގެ ނޯމަލައިޒޭޝަން ކޮމެޓީ ބަދަލުގައި ވޮލީ ބޯޅަ އެސޯސިއޭޝަނުގެ އިންތިޚާބީ ރައީސް މުހައްމަދު ލަތީީފާއި މުއާމަލާތްކުރުމަށް ބަންގްލަދޭޝްގެ ވޮލީ ފެޑަރޭޝަނަށް އޭވީސީން އަންގައިފިއެވެ.
އޭވީސީ އިން މިގޮތަށް އެންގީ ބަންގްލަދޭޝްގައި ކުރިޔަށް ގެންދިޔުމަށް ނިންމައިފައިވާ އަންހެނުންގެ އޭޝިއަން ސެންޓްރަލް ޒޯން ވޮލީ ބޯލް ޗެމްޕިއަންޝިޕް ބޭއްވުމުގެ ފުރުޞަތު ބަންގްލަދޭޝް އަށް ދީފައިވާތީއެވެ.
އޭވީސީގެ ރައީސް ސޮއިކުރަށްވާ ބަންގްލަދޭޝްގެ ވޮލީ ފެޑަރޭޝަނަށް ފޮނުވައިފައިވާ ސިޓީގައި ބުނެފައިވަނީ ރާއްޖޭގެ ސްޕޯޓްސް ކޮމިޝަނުން އުފައްދައިފައިވާ ނޯމަލައިޒޭޝަން ކޮމެޓީ ބަލައި ނުގަންނަ ކަމަށާއި އެހެން ކަމުން އޭވީސީ އާއި ގުޅޭ މުބާރާތެއްގައި އެ ކޮމިޓީއާއި މުޢާމަލާތް ކުރެވިގެން ނުވާނެ ކަމަށެވެ. އަދި ނޯމަލައިޒޭޝަން ކޮމެޓީގެ ބަދަލުގައި ލަޠީފާއި މުޢާމަލާތް ކުރުމަށް ވަނީ އަންގާފައެވެ. އަދި އެގޮތައް ޢަމަލުނުކޮށްފިނަމަ އަންހެނުންގެ ސެންޓްރަލް ޒޯން ބޭއްވުމަށް އޭވީސީ އާއި އެފްއައިވީބީން އެހީނުވާނެ ކަމަށް ވޮލީ ފެޑަރޭޝަންގެ ސިޓީގައިވެއެވެ.
ރާއްޖޭގެ ވޮލީގެ ޙާލަތު ގޯސްވެފައިވާ އިރު ނޯމަލައިޒޭޝަން ކޮމެޓީން މި މަހު 24 ގައި ބާއްވަން އުޅުނު ވޮލީ އިންތިޚާބު ވަނީ މުއްދަތެއް ނެތް ގޮތަށް ފަސް ކޮށްފައެވެ. ބެލެވިފައިވާ ގޮތުން މި އިންތިޚާބު ފަސް ކޮށްފައިވަނީ އެފްއައިވީބީން އިންތިޚާބު ބަލައި ނުގަންނަ ކަމަށް ބުނުމުންނެވެ.
