ބޯޓަކުން ކަނޑަށް ދޫކޮށްލާފައިވާ ތަކެތި އޮޔާދާތީ ސަމާލުވާން އެދެފި
25 އޮކްޓޯބަރު 2019 | ހުކުރު 17:47ހާދިސާގައި އެއްވެސް މީހަކަށް ގެއްލުމެއް ނުވޭ
ދިނަޝަ ބޯޓް
މާލެއިން ފުރައިގެން ލ.ގަމަށް ދަތުރުކުރި "ދިނަޝަ" ބޯޓް ދިޔަވުމާ ގުޅިގެން އެ ބޯޓުން ކަނޑަށް ދޫކޮށްލާފައިވާ ބައެއް ތަކެތި ތަކެތި އޮޔާދާތީ އެސަރަޙައްދުން ދަތުރުކުރާ އުޅަނދު ފަހަރުން ސަމާލުކަން ދިނުމަށް އެމްއެންޑީއެފުން އިލްތިމާސްކޮށްފިއެވެ.
އެމްއެންޑީއެފުން ބުނީ، މ.އަތޮޅު ކުރެލި ކަނޑުގެ ސަރަހައްދުން "ދިނަޝަ" ބޯޓަށް ދިޔަވާކަމުގެ މަޢުލޫމާތު ހުކުރު ހެނދުނު 9:40 ހާއިރު އެމްއެންޑީއެފް ސެންޓްރަލް އޭރިއާއަށް ލިބުމާއެކު ސެންޓްރަލް އޭރިއާ ކޯސްޓްގާޑް ސްކޯޑްރަންގެ ހާބަރކްރާފްޓް ލޯންޗް ވަގުތުން ހަރަކާތްތެރިވި ކަމަށެވެ.
އެގޮތުން އެސަރަހަށްދަށް ގޮސް ހާބަރ ކްރާފްޓް ލޯންޗުގެ އެހީތެރިކަމާއެކު މ.ކޮޅުފުއްޓަށް ހުކުރު ދުވަހު މެންދުރު 12:08 ހާއިރު ބޯޓު ވަނީ ރައްކާތެރިކަމާއެކު ވަދެފައިވާ ކަމަށް އެމްއެންޑީއެފުން ބުންޏެވެ. ހަތް މީހުންނާއެކު ދަތުރުކުރި އެ ބޯޓް ދިޔަވުމާ ގުޅިގެން 30 ވަރަކަށް ގޭސްފުޅިއާއި 100 ފެންކޭސް ކަނޑަށް ދޫކޮށްފައިވާ ކަމަށް އެމްއެންޑީއެފުން މައުލޫމާތުދޭއެވެ.
އެ ހާދިސާގައި އެއްވެސް މީހަކަށް ގެއްލުމެއް ލިބިފައި ނުވެއެވެ.
