އައްޑޫއަށް މަސްތުވާތަކެތި އެތެރެކުރަން އުޅުނު މީހެއް ހައްޔަރުކޮށް، މައްސަލަ ބަލަނީ
19 އޮކްޓޯބަރު 2019 | ހޮނިހިރު 04:33މަސްތުވާތަކެއްޗާއެކު ހިފަހައްޓާފައިވަނީ އުމުރުން 20 އަހަރުގެ މީހެއް
އައްޑޫ
ވައިގެ މަގުން އައްޑޫ ސިޓީއަށް މަސްތުވާތަކެތި އެތެރެކުރަން އުޅުނު މީހެއް ހައްޔަރުކޮށް އެ މައްސަލަ ބަލަން ފަށައިފިއެވެ.
ފުލުހުން ބުނީ، އޮކްޓޯބަރު މަހުގެ 16 ވަނަ ދުވަހު މެންދުރު އެކެއް ޖަހާކަން ހާއިރު އައްޑޫ ސިޓީގައި މަސައްކަތްކުރާ ފުލުހުންނާއި ފުލުހުންގެ އިންޓެލިޖެންސް ގުޅިގެން ހިންގި ހާއްސަ އޮޕަރޭޝަނެއްގައި ގަން އިންޓަނޭޝަނަލް އެއާޕޯޓުން މަސްތުވާތަކެއްޗާއެކު ހިފަހައްޓާފައިވަނީ 20 އަހަރުގެ ފިރިހެނެއްކަމަށެވެ.
އެ ހާއްސަ އޮޕަރޭޝަންގައި އެމީހާ ބަލައި ފާސްކުރި އިރު މަސްތުވާތަކެތި ކަމަށް ޝައްކު ކުރެވޭ ޖޫސްޕެޓީ ކޮތަޅުތަކެއް އެމީހާ އަތުން ފެނިފައިވާ ކަމަށް ފުލުހުން ބުންޏެވެ.
ފުލުހުން އިތުރަށް ބުނީ، އެ މައްސަލާގައި ހައްޔަރުކުރި މީހާގެ ބަނދަށް މަރަދޫފޭދޫ ކޯޓުން ދިހަ ދުވަސް ޖަހާފައިވާ ކަމަށާއި އެ މައްސަލަ އިތުރަށް ތަހުގީގް ކުރަމުން އަންނަ ކަމަށެވެ.
