ކަސްރަތަށް ނުކުމެ މޯދީ ގޮނޑުދޮށް ސާފުކުރެއްވި ފޮޓޯތައް ގިނަ ބައެއްގެ ސަމާލުކަމަށް!
14 އޮކްޓޯބަރު 2019 | ހޯމަ 05:21މޯދީ ވަނީ ޕްލާސްޓިކް ފަދަ ތަކެތި ހޮއްވަވާފަ
މޯދީ ކަސްރަތު ކުރައްވަނީ
އިންޑިއާގެ ބޮޑުވަޒީރު ނަރެންދްރަ މޯދީ ކަސްރަތު ކުރައްވަން ނުކުމެ ކުނި ހޮވަން އުޅުއްވި ފޮޓޯތަކަށް ގިނަ ބައެއްގެ ސަމާލުކަން ލިބިއްޖެއެވެ.
ކަސްރަތަށް ހިންގަވަމުން ކުނި ހޮވަން އުޅުއްވި ފޮޓޯތައް މޯދީ ސޯޝަލް މީޑިއާގައި ހިއްސާ ކުރެއްވުމުން ގިނަ ބަޔަކު ދަނީ އެ ޕޯސްޓަށް ލައިކް ކޮށް ޝެއަރ ކުރަމުންނެވެ.
މޯދީ ކުރެއްވި ޕޯސްޓުގައި އިންޑިއާގެ މަމައްލަފޫރަމް އަވަށުގެ ގޮނޑުދޮށުގައި ކަސްރަތަށް ހިންގަވަމުން ޕްލާސްޓިކު ކޮތަޅާއި ފުޅި ފަދަ ތަކެތި ހޮއްވެވި މަންޒަރު ފެނެއެވެ.
ސާފު ކުރައްވަން އުޅުއްވި ފޮޓޯތައް ސޯޝަލް މީޑިއާގައި އާންމުކުރައްވަމުން މޯދީ ވަނީ އާންމުން ބޭނުން ކުރައްވާ އެފަދަ ތަންތައް އަބަދުވެސް ސާފުކޮށް ބޭއްވުމަށް އިލްތިމާސްކޮށް ނަސޭހަތްތެރިވެފައެވެ.
މީގެ ކުރިން އިންޑިއާއިން ވަނީ އެ ގައުމު ސާފުކޮށް ބޭއްވުމަށް ސްވަޗް ބާރަތު މިޝަންގެ ނަމުގައި ހާއްސަ ކެންޕެއިނެއް ވެސް ފަށާފައެވެ. އެއީ ދެހާސް ސާދަ ވަނަ އަހަރުގެ ތެރޭގައެވެ.
