ވިޔަފާރިކުރުމާގުޅޭ ހިދުމަތްތައް އެއް ވިޔުގައަކުން ފޯރުކޮށްދޭން ކުންފުންޏެއް އުފައްދައިފި
މި ސަރުކާރުގެ ސައްތައިން ސައްތަ ހިއްސާވަ ކުންފުންޏެއް
ރައީސް އިބްރާހިމް މުހައްމަދު ސޯލިހާއި، ފިނޭންސް މިނިސްޓަރ އިބްރާހިމް އަމީރު
ޓްރޭޑްނެޓް މޯލްޑިވްސް ކޯޕަރޭޝަނުގެ ނަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ސޯލިހު އާދިއްތަ ދުވަހު ކުންފުންޏެއް އުފައްދަވައިފިއެވެ.
ރައީސް ގާރާރަކުން އުފެއްދެވި އެ ކުންފުންޏަކީ ދިވެހިރާއްޖޭގައި ވިޔަފާރިކުރުމާ ގުޅޭ އެކިއެކި ޚިދުމަތްތައް އެއް ވިޔުގައަކުން ފޯރުކޮށްދިނުމަށްޓަކައި "ސިންގަލް ވިންޑޯ" އޮޕަރޭޓަރުގެ ޒިންމާ އަދާކުރާ، ސަރުކާރުގެ ސައްތައިން ސައްތަ ހިއްސާ އެކުލެވިގެންވާ ކުންފުންޏެކެވެ.
ޓްރޭޑްނެޓް މޯލްޑިވްސް ކޯޕަރޭޝަނުގެ އުފައްދާފައިވާއިރު، ސަރުކާރުން ވަނީ ކުދި އަދި މެދު ފަންތީގެ ވިޔަފާރިތަކަށް ހާއްސަކޮށްގެން އުފައްދާ އެސްއެމްއީ ބޭންކެއް އުފައްދާފައެވެ. އެ ބޭންކުގެ ސަބަބުން ރާއްޖޭގެ އިޤްތިޞާދީ ކުރިއެރުމަށް ބޭނުންވާ ކުދި އަދި މެދުފަންތީގެ ވިޔަފާރިތަކަށް ލޯނު ލިބުމަށް އިތުރަށް މަގުފަހިކޮށްދީ، އަދި މާލީ ދާއިރާގެ ވާދަވެރިކަން އިތުރު ކުރުމަށް މަގުފަހިވެގެން ދާނެއެވެ.
ސަރުކާރުގެ އިތުރުން ކުންފުންޏެއް އުފެއްދެވިއިރު، އެމަނިކުފާނު މީގެކުރިންވެސް ވަނީ ބައެއް ކުންފުނިތައް އުފައްދަވާފަ އެވެ. އެގޮތުން މަގު ހެދުމަށް ހާއްސަ ކުންފުންޏެއް އުފެއްދެވިއިރު، ގެދޮރުވެރިކަން ފޯރުކޮށްދިނުމަސްވެސް އެމަނިކުފާނު ކުންފުންޏެއް އުފައްދަވާފައިވެއެވެ.
