އިންޑިއާގެ ބިހާރު ސްޓޭޓަށް ކުރަމުންދާ ވިއްސާރާގައި ހާލުގައި ޖެހުނު މީހުންނަށް އެހީވެދިނުމަށް، 51 ލައްކަ އިންޑިއާ ރުޕީސް އަމީތާބް ބައްޗަން ހަދިޔާ ކޮށްފިއެވެ.

ބިހާރުގައި މިއަހަރު ވެހެމުންދާ ވާރޭގެ ސަބަބުން ގިނަ ބައެއްގެ ދިރިއުޅުމަށް ވަނީ އޭގެ އަސަރު ކޮށްފައެވެ. އަމީތާބް ވަނީ ކަންބޮޑުވުން ފާޅުކޮށް، ބިހާރުގެ ޗީފް މިނިސްޓަރު ނިތިޝް ކުމާރަށް ސިޓީއެއް ވެސް ފޮނުވާފައެވެ.

އަމީތާބް ކޮށްފައިވާ ޓްވީޓެއްގައި ބުނެފައިވަނީ، އެންމެން އެކަތިގަނޑަކަށްވެގެން މީހުންނަށް އެހީވެދިނުމަށް މަސައްކަތް ކުރަން ޖެހޭ ކަމަށެވެ. އަމީތާބްގެ އިތުރުން އެހެނިހެން ފަރާތްތަކުން ދަނީ ބިހާރުގެ ރައްޔިތުންނަށް އެހީވެދިނުމުގެ ގޮތުން އެކި ކަހަލަ އެހީތައް ފޯރުކޮށްދެމުންނެވެ.

އަމީތާބް ފިލްމީ ދާއިރާގައި މިހާރު ކުރަމުންދާ މަސަައްކަތު ތެރެއިން، އޭނާ ދަނީ ޗެހެރޭ ގުލާބޯ، ސިތާބޯ، އަދި އާއްކޭ 2 ގެ މަސައްކަތް ކުރަމުންނެވެ.